जनाधिकारकाे रक्षा गर्न काँग्रेस अछामले संगठन बलियाे भएकाे स्थानमा गठबन्धन गर्दैनः नगर सभापति कुँवर

नयाँ विकल्प संवाददाता
प्रकाशित मिती: २०७९ बैशाख ४, १३: १०

अछाम । सत्तारुढ पाँच दलीय गठबन्धनले स्थानीय तह निर्वाचनमा चुनावी तालमेल गर्ने निर्णय गरेको छ । गठबन्धनको नेतृत्व गरिरहेको नेपाली काँग्रेस केन्द्रीय कार्यसमितिले औचित्य र आवश्यकताका आधारमा गठबन्धन गर्न सकिने निर्णय गरेसंगै केही स्थानीय तहहरु गठबन्धनको तयारी पुरा भएको छ भने केही स्थानमा गठबन्धन नगर्ने निर्णयहरु भएका छन् ।

नेकपा माओवादीको आधार इलाका मानिने रोल्पामा नेपाली काँग्रेसले आफुले भने जति सिट नपाए गठबन्धन नगरि एक्लै निर्वाचनमा जाने निर्णय गरेको हो । घरघर जाऔं, काँग्रेस जिताऔं अभियानको रिपोर्टलाई मूल्याङ्कन गर्दै गठबन्धन गर्न आवश्यक नरहेको निर्णय गर्दै गठबन्धनमा जानुनै परे आफुले भने जति सिट पाउँनु पर्ने अडान राखेको हो ।

त्यसैगरी सत्ता गठबन्धनले स्थानीय तहको निर्वाचनमा तालमेलको सहमति गरेपनि नेपाली काँग्रेस अछामका तीन पालिकाकाले सत्ता गठबन्धनको उक्त निर्णय अस्वीकार गरेका छन् । पार्टी ओचित्य र आवश्यकताका आधारमा गठबन्धन गर्न सक्ने निर्णय गरेका कारण नगर तथा गाउँकार्य समितिको बैठकले साँफेबगर नगरपालिका, रामारोशन र चौरपाटी गाउँपालिकाले चुनावमा तालमेल नगर्ने निर्णय गरेको बताइएको छ ।

काँग्रेस पार्टी विधान र पार्टीको निर्णयलाई आधार मान्दै नेपाली काँग्रेसको संगठन बलियो र पकड क्षेत्रहरुमा गठबन्धन गर्दा काँग्रेसलाई घाटा हुने र फेरी पनि जनताहरुले काँग्रेसको नेतृत्व चाहेका र जनाधिकारको रक्षाका लागि काँग्रेस बलियो रहेको स्थानमा गठबन्धन गर्न नसकिने काँग्रेस साफेबगर नगर सभापति लालबहादुर कुँवरले बताए ।

सम्बन्धित समाचार

एमाले भ्रष्टाचारीलाई जोगाउने पार्टी हो, तत्काल एकता सम्भव छैन : प्रचण्ड

२०७९ बैशाख ४, १३: १०

काठमाडौं : नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा (एमाले) सँग राष्ट्रिय मुद्दाहरूमा सहकार्य हुनसक्ने भएपनि तत्काल...