पत्थरीको शल्यक्रिया गर्न स्वस्तिक अस्पताल जाँदा ऐजनलालको मृगौला झिकेपछि मृत्यु – Naya Bikalpa
November 18, 2026, Wednesday      Epaper

पत्थरीको शल्यक्रिया गर्न स्वस्तिक अस्पताल जाँदा ऐजनलालको मृगौला झिकेपछि मृत्यु

धनगढी। कैलाली जिल्लाको धनगढी उपमहानगरपालिकास्थित स्वस्तिक अस्पतालमा पत्थरीको शल्यक्रिया गर्न गएका एक बिरामीको अप्रेसनको क्रममा किड्नी झिकेपछि मृत्यु भएको छ।

दुवै मृगौलामा रहेको पत्थरी निकाल्नका लागि अस्पताल पुगेका कञ्चनपुरको बेलौरी, शिवनगरका ऐजनलाल चौधरीको दुबै मृगौला झिकिएपछि मृत्यु भएको हो।

चौधरीको दुवै किड्नीमा पत्थरीले गर्दा समस्या भएपछि भदौ ९ गते शनिबार अस्पताल भर्ना गरिएकोमा अपरेशनका क्रममा मृगौला नै झिकेपछि अत्याधिक रक्तश्राव भई उनको मृत्यु भएको जनाइएको छ।

उनको अपरेशन डाक्टर जोनस तिवारीले गरेका थिए। मृतकका भतिजा राजकुमार चौधरीका अनुसार स्वास्थ्य परीक्षणपछि शनिबार सवा १ बजे अप्रेसनको लागि अप्रेसन थिएटरमा लगिदा शुरुमा अप्रेसन सफल भयो भनिएको थियो तर साँझ ७ बजे भने बिरामी बेहोस भएर उनको पेट पुरै फुलेकाले मृत्यु भएको रहेछ।

मृगौलाको नशा काटिएर रक्तश्राव हुँदा बिरामीको अवस्था झन बिग्रिएपछि डाक्टरले अब सकिँदैन अप्रेसन थिएटरबाट निस्किएका थिए।

अस्पतालका अध्यक्ष महेश जोशीले पनि अप्रेसन हुँदा अत्यधिक रक्तश्राव हुँदा त्यसलाई रोक्न किड्नी झिकिएको र त्यसले पनि नरोकिएपछि अवस्था बिग्रिएको स्वीकार गरे। अप्रेसन बिग्रिएकोबारे डाक्टरसँग स्पष्टीकरण सोधिने अस्पताल अध्यक्ष जोशीको भनाइ छ।

डाक्टरको प्रष्टीकरण आएपछि सोही अनुसार अगाडि बढ्ने उनले बताए। बिरामीका आफन्तले डाक्टरको लापरवाहीले बिरामीको ज्यान गएकोले सत्य तथ्य छानविन गरी डाक्टरलाई हदैसम्मको कारवाहीको माग गरेका छन्।

सम्बन्धित समाचार

प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
  • २०८० भाद्र ११, १३: ३१

काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...

काठमाडौं महानगरको मेयरमा उम्मेदवारी दिने सुमना श्रेष्ठको घोषणा
काठमाडौं महानगरको मेयरमा उम्मेदवारी दिने सुमना श्रेष्ठको घोषणा
  • २०८० भाद्र ११, १३: ३१

काठमाडौं । पूर्वशिक्षामन्त्री सुमना श्रेष्ठले आगामी स्थानीय तह निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गरेकी छन् । श्रेष्ठले...

स्वयंसेवक परिचालनका लागि ४५ देखि ७५ वर्ष उमेर समूहका नागरिकसँग आवेदन माग
स्वयंसेवक परिचालनका लागि ४५ देखि ७५ वर्ष उमेर समूहका नागरिकसँग आवेदन माग
  • २०८० भाद्र ११, १३: ३१

काठमाडौं । काठमाडौं महानगरपालिकाले विभिन्न क्षेत्रमा स्वयंसेवकका रूपमा सेवा गर्न इच्छुक ४५ देखि ७५ वर्ष उमेर समूहका नागरिकसँग आवेदन माग...