- अनामनगर काठमाडौँ
- infobikalpa21@gmail.com
काठमाडौं । साहित्यकार धर्मेन्द्र विह्वल अर्थात पत्रकार धर्मेन्द्र झाकोको पछिल्लो पटक मैथिली भाषामा ‘शहरक भीडमे एसगर हम’ कविता संग्रह प्रकाशित भएको छ।
उनको यो छैठौँ कविता सङ्ग्रह हो। मैथिली साहित्यमा प्रयोगधर्मी कविका रूपमा स्थापित विह्वलको यो कृति पनि एक प्रयोग नै हो।
उनले यो कृतिमा एकै शीर्षक शहरमा ५१ वटा कविता अटाएर विशेष कृतिको रुपमा प्रकाशित गरेका छन्।
यस संग्रहबाट मैथिली कविताका पाठकहरूले कवि धर्मेन्द्रको विस्तारित कविताको आनन्द लिन सक्नेछन्। आफ्नो समयको काव्यात्मक प्रतिमान स्थापित गर्न उन्मुख कवि धर्मेन्द्रको यो कविता संग्रहलाई विवेकशील पाठक, समीक्षक र साहित्यकार दार्शनिकहरूले मन पराउने विश्वास गरिएको छ।
उनका कविताहरूमा व्यक्तिगत अनुभवहरूको जरा गाडिएको हुन्छ र यश कृतिमा समेत त्यो बुझाइको अनुभव गर्न सकिन्छ। विह्वलका अनुसार साहित्य भनेको कल्पना मात्र होइन, यसले वास्तविकताका तत्वहरू समाहित गर्दछ र उनको काव्यात्मक अभिव्यक्तिमा त्यो भाव प्रष्ट प्रतिबिम्बित हुन्छ।
छिट्टै मैथिली भाषामै अर्को कृति प्रकाशनको तयारीमा रहेको विह्वल आजिवन सञ्चार जगत र साहित्य लेखनबाट आफू बिट मार्ने सोचमा नरहेको बताउँछन्। यो कर्म उनको दैनिकी र जीवनको अभिन्न अंग सरह नै बनिसकेको छ।
नेपाल पत्रकार महासंघका पूर्वअध्यक्ष एवम् राष्ट्रिय समाचार समितिका अध्यक्ष धर्मेन्द्र नेपाली र मैथिली दुर्व भाषामा कलम चलाउँछन् ।
मिथिला नट्यकला परिषद्ले प्रकाशन गरेको कृति ‘शहरक भीड़मे एसगर हम’ मा आवरणसहित सबै चित्रहरू मिथिला चित्रकलाका धरहरा प्रसिद्ध कलाकार एस सी सुमनले बनाएका छन्।
विह्वल्को शब्द र सुमनको चित्रको फ्युजनले सङ्ग्रहलाइ विशेष बनाएको छ। यो पुस्तकको मुद्रण कार्य पुष्पाञ्जली छापाखाना, अनामनगर काठमाडौंले गरेका् हो व।
यस अघि विव्हलका ’रस्ता तकैत जिनगी (२०५१)’ , ’एक सृष्टि एक कविता (२०५६)’, ’एक समयक बात (२०६३)’, ‘धुवाँएल आकृतिसभ (२०६३)’ र ’व्योमक ओहि पार (२०७८)’ मैथिली कविता सङ्ग्रह प्रकाशित छन्।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
