‘विराट दिव्य दृष्टि जनरल हस्पिटल’ सञ्चालकको मृत्यु, साझेदारहरूले नै हत्या गरेको परिवारको आरोप – Naya Bikalpa
November 20, 2026, Friday      Epaper

‘विराट दिव्य दृष्टि जनरल हस्पिटल’ सञ्चालकको मृत्यु, साझेदारहरूले नै हत्या गरेको परिवारको आरोप

काठमाडौं । नेपाल–भारत सीमाको भारतीय बजार बथनाहामा अस्पताल सञ्चालन गर्दै आएका विराटनगरका रविनकुमार रायको व्यापारिक साझेदारहरूले नै हत्या गरेको आरोप परिवारले लगाएको छ । चौथो तलाबाट धकेलेर रविनको हत्या भएको परिवारको दाबी छ ।

घटना शनिबार साँझ ५ बजेतिरको हो । विराटनगर महानगरपालिका वडा नम्बर १० तीनटोलिया शान्तिचोक घर भएका रायको शनिबार बथानाहा वीरपुर चोकमा हत्या भएको भन्दै परिवारले भारतीय प्रहरीलाई उजुरी दिएका छन् ।

राय भारतको अररिया जिल्लास्थित बथनाहा वीरपुर चोकमा ‘विराट दिव्य दृष्टि जनरल हस्पिटल’ सञ्चालन गर्थे । अस्पताल पत्नी रानीकुमारी रायको नाममा दर्ता थियो । अस्पतालका अन्य केही साझेदारहरूले उनको हत्या गरेको आरोप पत्नी रानीले लगाएकी छन् ।

अस्पतालमा विराटनगरकै इमरान शेख भन्ने व्यक्ति पनि साझेदार थिए । इमरानको १८ लाख रुपैयाँ फिर्ता गरेर अस्पताल एकल साझेदारीमा सञ्चालन गर्ने क्रममा विवाद सुरू भएको थियो ।

फिर्ता गर्ने रकम आफूसँग नभएपछि रविनले विराटनगरकै खगेन्द्र थापासँग महँगो दरमा मिटरब्याजमा पैसा लिएका थिए । घटना भएको दिन शनिबार खेम थापासहित १० जना एउटा स्कार्पियोमा बथनाहास्थित अस्पतालमा आएको रानीले बताइन् । भारतमा घटना भएकाले नेपाल प्रहरीले उजुरी लिन नमानेको परिवारले जनाएको छ ।

 

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०८० माघ ९, १४: १९

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०८० माघ ९, १४: १९

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०८० माघ ९, १४: १९

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...