
काठमाडौं । स्वतन्त्र मेयरहरू बालेन शाह, हर्क साम्पाङ र गोपाल हमालले राष्ट्रियसभा निर्वाचन बहिष्कार गरेका छन् । काठमाडौं महानगरपालिकाका मेयर बालेन शाह, धरान उपमहानगरपालिकाका मेयर हर्क साम्पाङ र धनगढी उपमहानगरपालिकाका मेयर गोपाल हमालले निर्वाचन बहिष्कार गरेका हुन् ।
राष्ट्रियसभा निर्वाचनमा प्रदेशसभा सदस्यसहित स्थानीय सरकारका प्रमुख र अध्यक्ष तथा उपप्रमुख र उपाध्यक्षहरू मतदाता हुन्छन् । अरु स्थानीय सरकारका जनप्रतिनिधि मतदानस्थल पुगेर मतदान गर्दा स्वतन्त्र (दलविहीन) रूपमा निर्वाचित यी तीन मेयरहरू भने मतदानस्थल नै पुगेनन् ।
आउँदो फागुन २० गते २० जना राष्ट्रियसभा सदस्यहरूको कार्यावधि सकिँदैछ । कार्यकाल सकिनु एक महिनाअगावै निर्वाचन गराउनुपर्ने संवैधानिक प्रावधानअनुरूप बिहीबार (आज) मतदान भएको छ । तर, गत स्थानीय निर्वाचनमा स्वतन्त्ररूपमा निर्वाचित यी तीन मेयरहरू मतदान गर्न मतदानस्थल पुगेनन् ।
बिहीबार ९ बजेदेखि ३ बजेसम्म मतदानको समय तोकिएको थियो । निर्धारित समय घर्किसकेको छ तर, कुनै पनि मेयर मतदान गर्न मतदानस्थल पुगेनन् । बालेनको बागमती प्रदेशको हेटौँडा, हर्कको मतदान केन्द्र कोशी प्रदेशको विराटनगर, र गोपालको सुदूरपश्चिमको धनगढी थियो ।
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...
काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...