
काठमाडौं। बंगलादेशमा विपक्षी बंगलादेश पिपुल्स पार्टीकी अध्यक्ष तथा पूर्वप्रधानमन्त्री बेगम खालिदा जियाको बैंक खातामाथिको प्रतिबन्ध १७ वर्षपछि हटाइएको छ।
राष्ट्रिय राजस्व बोर्ड (एनबीआर)ले जियाको बैंक खाता फुकुवा गर्ने निर्णय गरेको हो। उनको बैंक खाता १७ वर्षदेखि रोक्का थियो।
एनबीआरको केन्द्रीय गुप्तचर कक्षले अगस्ट २००७ मा जियाको खाता रोक्का गर्ने आदेश दिएको थियो। त्यसयता उनको एकाउन्ट ब्लक गरिएको छ।
पटकपटक खाता खोल्न माग गरिएको भएपनि शेख हसिना सत्ताबाट बाहिरिएपछि यो निर्णय गरिएको हो।
बंगाली अखबार डेली स्टारअनुसार एनबीआरले खालिदा जियाविरुद्ध कुनै अनुसन्धान मुद्दा नभएको भन्दै बैंकहरूलाई उनको सबै खाताहरू अनफ्रिज गर्न निर्देशन दिइएको बताएको छ।
यसअघि हसिना अगस्ट ५ मा देश छोडेपछि जिया जेलबाट रिहा भएकी थिइन्। उनलाई सन् २०१८ मा भ्रष्टाचारको मुद्दामा १७ वर्षको जेल सजाय सुनाइएको थियो।
जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...