अभिनेता अनुपम श्यामको निधन

नयाँ विकल्प,

एजेन्सी – चलचित्र र टेलिभिजन क्षेत्रका चर्चित अभिनेता अनुपम श्यामको निधन भएको छ ।

६३ वर्षीया श्याम लामो समयदेखि किड्नीको समस्याबाट पीडित थिए ।

मुम्बईको गोरेगाउँस्थित लाइफ लाइन अस्पतालमा उनको उपचार भइरहेको थियो ।

‘मनकी आवाज प्रतिज्ञा’ सिरियलमा ठाकुर सज्जन सिंहको भूमिकाबाट उनी चर्चित बनेका थिए ।

चलचित्र निर्माता अशोक पण्डितले सामाजिक सञ्जालमार्फत उनको निधनको जानकारी दिए ।

मल्टिपल अर्गन फेलियरका कारण उनको निधन भएको बताउँदै पण्डितले चलचित्र र टिभी उद्योगलाई ठूलो क्षति पुगेको बताएका छन् ।

गत वर्ष अनुपम श्याम बिरामी भएपछि अस्पताल भर्ना भएका थिए ।

त्यसपछि उनको भाइले आर्थिक अवस्था कमजोर बनेको बताउँदै आर्थिक सहयोग माग गरेका थिए ।

अनुपम श्यामको जन्म सन् १९७५ मा उत्तर प्रदेशको प्रतापगढमा भएको थियो ।