दिव्यदेव, गौमाया र शिशिरको ‘महाजात्रा’

नयाँ विकल्प विशेष संवाददाता
प्रकाशित मिती: २०८० कार्तिक ९, १८: २१

काठमाडौं । चलचित्र ‘जात्रा’ र ‘जात्रै जात्रा’को सफलतापछि ‘महाजात्रा’ मा नयाँ कलाकार जोडिएका छन् । नयाँ शृङ्खला षट्कोण आर्ट्सको निर्माणमा बन्न लागेको तेस्रो शृङ्खलामा हरिवंश आचार्य, दिव्यदेव पन्त, गौमाया गुरुङ र शिशिर बाङ्देल जोडिएका हुन् ।

कात्तिक १५ गतेदेखि छायाङ्कनको तयारी गरिएकाले महाजात्राको सम्पूर्ण तयारी पूरा भएको कार्यकारी निर्माता रवीन्द्रसिंह बानियाँले बताए । चलचित्रमा प्रदीप भट्टराईको लेखन तथा निर्देशन रहेको छ ।

उनले निर्देशन गरेका सम्पूर्ण चलचित्र बक्सअफिसमा व्यावसायिक रुपमा सफल हुनुका साथै दर्शक तथा समीक्षकलेसमेत रुचाएका छन् । म्याक्स दीपेश खत्री र यज्ञश्वर पौडेलले निर्माण गर्ने चलचित्रमा कसरी हास्यव्यङ्ग्य यथार्थपरक र परिस्थितिजन्य हुन्छ भन्ने पुष्टि गरेको थियो ।

स्थापित शृङ्खला र दर्शकको विश्वासिलो समूहसँग सहकार्य गर्न पाउँदा आफू उत्साहित रहेको अभिनेत्री गुरुङले बताएकी छन् ।