काठमाडौं । हाल देशमा पश्चिमी वायु तथा स्थानीय वायुको प्रभाव रहेको छ।यसका साथै बंगालको खाडीबाट भित्रिएको जलवाष्पयुक्त हावाको समेत प्रभाव रहेको जल तथा मौसम पूर्वानुमान महाशाखाले जनाएको छ।
शुक्रबार बिहान देशभरि आंशिक बदली रहेको अवस्था छ। कोशी प्रदेशका एकदुई स्थानमा हल्का वर्षा भइरहेको छ ।
शुक्रबार दिउँसो कोशी प्रदेश लगायत देशका पहाडी भूभागमा हल्कादेखि मध्यम वर्षाको सम्भावना रहेको उनले बताए। बाँकी भूभागमा पनि छिटपुटदेखि हल्का वर्षाको सम्भावना छ।
त्यस्तै उच्च पहाडी भूभागका एक(दुई स्थानमा हल्का हिमपातको पनि सम्भावना रहेको छ।
मौसम पूर्वानुमान शाखाले जनाए अनुसार शुक्रबार राति सुदूरपश्चिम प्रदेशका पहाडी भूभागमा वर्षा हुने सम्भावना छ।
काठमाडौं उपत्यकामा पनि शुक्रबार अपराह्नको समयमा हल्का वर्षाको सम्भावना रहेको झाले बताए।
यद्यपि देशैभरि बिहीबारको तुलनामा शुक्रबार कम पानी पर्ने र शुक्रबारको तुलनामा शनिबार कम पानी पर्ने पूर्वानुमान रहेको छ ।
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...