उत्तर प्रदेशमा भीषण आँधी–वर्षा: ८९ जनाको मृत्यु, दर्जनौँ घाइते – Naya Bikalpa
November 22, 2026, Sunday      Epaper

उत्तर प्रदेशमा भीषण आँधी–वर्षा: ८९ जनाको मृत्यु, दर्जनौँ घाइते

काठमाडौँ । भारतको उत्तर प्रदेश मा आएको शक्तिशाली आँधी, वर्षा र असिनापानीका कारण ठूलो जनधनको क्षति भएको छ । राज्य विपद् व्यवस्थापन तथा राहत कार्यालयका अनुसार खराब मौसमका कारण हालसम्म ८९ जनाको मृत्यु भएको छ भने ५३ जना घाइते भएका छन् ।

यसका साथै ११४ वटा चौपायाको मृत्यु भएको र ८७ घरमा क्षति पुगेको जनाइएको छ । स्थानीय सञ्चारमाध्यमले सार्वजनिक गरेका दृश्यमा तीव्र हावाहुरीका कारण रुख तथा ठूला विज्ञापन बोर्ड ढलेका देखिएका छन् । कतिपय रुख र बोर्ड सवारीसाधनमाथि खसेका छन् भने धुलो र भग्नावशेषका कारण सडक किनारका काठका पसलमा समेत ठूलो क्षति पुगेको बताइएको छ ।

राज्य राहत विभागका एक अधिकारीका अनुसार अधिकांशको मृत्यु रुख ढल्दा तथा घरका पर्खाल भत्किँदा भएको हो ।

उत्तर प्रदेशका राहत आयुक्तले सामाजिक सञ्जालमार्फत जारी गरेको वक्तव्यमा आँधी, वर्षा, असिनापानी र चट्याङका घटनाबाट प्रदेशभर व्यापक क्षति भएको उल्लेख गरेका छन् ।

वक्तव्यअनुसार मुख्यमन्त्रीले सबै मण्डल आयुक्त र जिल्ला अधिकारीलाई प्रभावित परिवारलाई २४ घण्टाभित्र राहत रकम वितरण गर्न निर्देशन दिएका छन् ।

सम्बन्धित समाचार

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८३ बैशाख ३१, १३: ४३

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८३ बैशाख ३१, १३: ४३

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०८३ बैशाख ३१, १३: ४३

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...