तीन दिन नदीमा बहाव बढ्ने पूर्वानुमान, काठमाडौं उपत्यकासहित धेरै जिल्लामा आकस्मिक बाढीको जोखिम – Naya Bikalpa
November 22, 2026, Sunday      Epaper

तीन दिन नदीमा बहाव बढ्ने पूर्वानुमान, काठमाडौं उपत्यकासहित धेरै जिल्लामा आकस्मिक बाढीको जोखिम

काठमाडौं । जल तथा मौसम विज्ञान विभागअन्तर्गतको बाढी पूर्वानुमान महाशाखाले आगामी तीन दिन देशका अधिकांश नदी तथा खोलामा पानीको बहाव बढ्ने पूर्वानुमान गर्दै नदी तटीय क्षेत्रमा बसोबास गर्ने नागरिकलाई उच्च सतर्कता अपनाउन आग्रह गरेको छ।

महाशाखाका अनुसार आज र भोलि अधिकांश नदीमा बहाव उल्लेख्य रूपमा बढ्नेछ भने पहाडी जिल्लाका साना नदी तथा खोलामा आकस्मिक बाढी आउने मध्यमदेखि उच्च जोखिम रहेको छ।

हाल कोशी, नारायणी, बागमती, कर्णाली, महाकाली तथा तिनका सहायक नदीहरू, साथै कन्काई, कमला, बबई, पूर्व र पश्चिम राप्ती नदीको बहाव सतर्कता तहभन्दा तल रहे पनि वर्षाका कारण आगामी दिनमा उल्लेख्य वृद्धि हुने सम्भावना रहेको महाशाखाले जनाएको छ।

विशेषगरी कोशी, नारायणी, कर्णाली, कन्काई, कमला, बागमती, बबई, पूर्व र पश्चिम राप्ती नदी प्रणालीका अधिकांश नदीमा आज र भोलि बहाव बढ्ने अनुमान गरिएको छ। केही नदीमा भने पर्सिसम्म पनि बहाव बढ्ने क्रम जारी रहने जनाइएको छ।

महाशाखाका अनुसार आज पाँचथर, इलाम, झापा, मोरङ, सुनसरी, भोजपुर, संखुवासभा, दोलखा, रामेछाप, सिन्धुली, सिन्धुपाल्चोक, रसुवा, नुवाकोट, धादिङ, गोरखा, लमजुङ, तनहुँ, मकवानपुर, बारा, पर्सा, रौतहट, चितवन, नवलपरासी (पूर्व), नवलपरासी (पश्चिम), पाल्पा, कास्की, पर्वत, म्याग्दी, स्याङ्जा, कैलाली लगायतका जिल्लामा बहने साना नदी तथा खोलामा आकस्मिक बाढीको मध्यम जोखिम रहेको छ।

यस्तै, काठमाडौं, भक्तपुर, ललितपुर, काभ्रेपलाञ्चोक तथा आसपासका क्षेत्रमा बहने साना नदी तथा खोलामा आकस्मिक बाढीको उच्च जोखिम रहेको महाशाखाले जनाएको छ।

भोलि र पर्सि पनि सातै प्रदेशका साना नदी तथा खोलामा बहाव अचानक बढ्न सक्ने भएकाले नदी किनार, डुबान सम्भावित क्षेत्र तथा खोल्सानजिक बसोबास गर्ने नागरिकलाई विशेष सतर्कता अपनाउन विभागले आग्रह गरेको छ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ असार २९, १०: ५७

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८३ असार २९, १०: ५७

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८३ असार २९, १०: ५७

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...