पत्रकार मनोज विष्टको निधनप्रति नेपाल पत्रकार महासङ्घद्वारा दुःख व्यक्त

नयाँ विकल्प
प्रकाशित मिती: २०७८ श्रावण २८, २२: ५२

नयाँ विकल्प,

काठमाडौं – पत्रकार मनोज विष्टको निधनप्रति नेपाल पत्रकार महासङ्घले दुःख व्यक्त गरेको छ ।

कोरोना सङ्क्रमण पुष्टि भएपछि काठमाडौंको मनमोहन अस्पतालमा उपचाररत पत्रकार विष्टको उपचारकै क्रममा २०७८ साउन २३ गते निधन भएको थियो ।

महासङ्घका महासचिव रोशन पुरीले जारी गरेको शोक विज्ञप्तिमा उज्यालो रेडियो नेटवर्कसहित विभिन्न सञ्चारमाध्यममा लामो समय क्रियाशील विष्टको निधनले नेपाली पत्रकारिता क्षेत्रले एक कुशल र जुझारु पत्रकार गुमाएको उल्लेख गरिएको छ ।

महासङ्घले स्वर्गीय पत्रकार विष्टप्रति हार्दिक श्रद्धाञ्जली अर्पण गर्दै दिवङ्गत आत्माको चिरशान्तिको कामना गरेको छ ।

कोरोनाकै कारण अहिलेसम्म २१ जना पत्रकारको निधन भएको छ भने एक हजारभन्दा धेरै पत्रकार सङ्क्रमित भएका छन् ।

सम्बन्धित समाचार

पोखरा विमानस्थल भ्रष्टाचार : पूर्वमन्त्री कार्कीलाई १५ लाख धरौटीमा छाड्न आदेश

२०७८ श्रावण २८, २२: ५२

काठमाडौं : विशेष अदालतले नेपाली कांग्रेसका नेता तथा पूर्वमन्त्री ज्ञानेन्द्रबहादुर कार्कीलाई पोखरा क्षेत्रीय अन्तर्राष्ट्रिय विमानस्थल निर्माणसँग सम्बन्धित भ्रष्टाचार मुद्दामा १५ लाख...