
नयाँ विकल्प,
काठमाडौं – लागूऔषध नियन्त्रण ब्यूरोले तीन किलो कोकिनसहित ३ विदेशी नागरिकलाई पक्राउ गरेको छ ।
(एनसीबी) को अपरेशनबाट अफ्रिकी नागरिक ३० वर्षीय स्रिले गेमा र भारतीय नागरिक विजय सिंह र तान्जेनियन नागरिक गेट्यूड लिनर्ड किमारोलाई पक्राउ गरेको हो ।
कतारबाट काठमाडौंमा महँगो लागूऔषध कोकिन त्रिभुवन अन्तर्राष्ट्रिय विमानस्थलमार्फत ३ भदौमा कसरी प्रवेश गराएको प्रश्न उठेको छ ।
विमानस्थलबाट कोकिन कसरी बाहिरियो भन्ने विषयमा अनुसन्धान भइरहेको ब्युरोका एसपी जीवन श्रेष्ठले जानकारी दिए ।
आइतबार ब्यूरोले सार्वजनिक गरेको घटनामा लागूऔषध तस्करहरुले सुटकेशभित्र फल्स बटम बनाएर ल्याएका थिए ।
ब्यूरोको सूचनाकै आधारमा प्रहरी नायब उपरीक्षक (डीएसपी) फणिन्द्र प्रसाईंको नेतृत्वमा खटिएको टोलीले समातेको हो ।
ब्यूरोका प्रवक्ता एसपी जीवन श्रेष्ठका अनुसार ३ भदौमा कतार एयरवेजमार्फत लागूऔषध कोकिन आउँदैछ भन्ने सूचना प्रहरीलाई प्राप्त भएको थियो ।
त्यही आधारमा खटिएको टोलीले गामालाई पछ्याउँदै उनी बसेको होटलसम्म पुगेको थियो ।
‘कमलादीस्थित एक होटलमा जब कोकिन लिन भारतीय नागरिक विजय सिंह आए, प्रहरीले दुवैलाई पक्राउ गर्यो,उनको जिम्मेवारी भारतीय नागरिकलाई कोकिन डेलिभर गर्ने थियो, उनीहरुबाट कोकिन कारोबारमा किमारो पनि संलग्न रहेको खुल्यो ।’ श्रेष्ठले भने,
श्रेष्ठका अनुसार दुई वर्षदेखि काठमाडौं बस्दै आएकी किमारो भारत भाग्न लागेको अवस्थामा सिन्धुलीको खुर्कोटबाट समातिइन् ।
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...
काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...