रूकुमको आठविसकोटमा १३ वर्षीया बालिका बलात्कार, अवस्था गम्भीर

नयाँ विकल्प
प्रकाशित मिती: २०७८ कार्तिक १२, ०८: २२

रुकुम । भलिबल प्रतियोगिता हेर्न गएकी बालिकालाई आठबीसकोट नगरपालिकाका युवाले बलात्कार गरेको घटना सार्वजनिक भएको छ । जाजरकोट नलगाड नगरपालिका १ की १३ वर्षीया बालिकामाथि बलात्कार भएको हो।

गत बुधबार रूकुम पश्चिमको आठविसकोट नगरपालिका १४ बाँकेज्युलामा उनीमाथि बलात्कार भएको प्रहरीले जनाएको छ । बाँकेज्युलामा आयोजित भलिवल प्रतियोगिता हेर्न गएकी बालिकालाई आठविसकोट नगरपालिका १४ का २६ वर्षीय झलक जैसीले बलात्कार गरेको प्रहरीमा जाहेरी परेपछि घटना बाहिरिएको हो ।

जाहेरी दर्ता भइसके पनि अभियुक्त जैसीलाई भने प्रहरीले फेला पार्न सकेको छैन । बालिकालाई आठविसकोट नगर अस्पतालमा सामान्य उपचार गरेर थप उपचारका लागि बिहीबार नेपालगञ्ज पठाइएको छ।बालिकाको स्वास्थ्य अवस्था गम्भीर रहेको प्रहरीले जनाएको छ। अभियुक्तको खोजी कार्य जारी रहेको प्रहरीको भनाइ छ

सम्बन्धित समाचार

पोखरा विमानस्थल भ्रष्टाचार : पूर्वमन्त्री कार्कीलाई १५ लाख धरौटीमा छाड्न आदेश

२०७८ कार्तिक १२, ०८: २२

काठमाडौं : विशेष अदालतले नेपाली कांग्रेसका नेता तथा पूर्वमन्त्री ज्ञानेन्द्रबहादुर कार्कीलाई पोखरा क्षेत्रीय अन्तर्राष्ट्रिय विमानस्थल निर्माणसँग सम्बन्धित भ्रष्टाचार मुद्दामा १५ लाख...