- अनामनगर काठमाडौँ
- infobikalpa21@gmail.com
धनगढी । सुदूरपश्चिम प्रदेश सरकारमा नेपाली कांग्रेसको तर्फबाट नियुक्त भएका तीन मन्त्री र दुई राज्यमन्त्रीले सोमबार पद तथा गोपनीयताको शपथ लिएका छन्। प्रदेश प्रमुख नजिर मियाँ ले नवनियुक्त मन्त्रीहरूलाई शपथ ग्रहण गराएका हुन्।
मन्त्रिपरिषद् पुनर्गठनअन्तर्गत नियुक्त भएका मन्त्री तथा राज्यमन्त्रीहरूको मन्त्रालयगत जिम्मेवारीसमेत तोकिएको छ।
नवनियुक्त मन्त्रीमध्ये विक्रमसिंह धामी लाई आर्थिक मामिला मन्त्रालयको जिम्मेवारी दिइएको छ। त्यसैगरी, बेलबहादुर राना सामाजिक विकास मन्त्री तथा मानबहादुर रावल उद्योग, पर्यटन, वन तथा वातावरण मन्त्री नियुक्त भएका छन्।
यस्तै, जुना दानी लाई आर्थिक मामिला राज्यमन्त्री र मधु भारती लाई सामाजिक विकास राज्यमन्त्रीको जिम्मेवारी प्रदान गरिएको छ।
नेपाली कांग्रेसभित्र देखिएको आन्तरिक विवाद समाधान गर्दै सबै पक्षको प्रतिनिधित्व सुनिश्चित गर्ने सहमतिअनुसार मन्त्रिपरिषद् पुनर्गठन गरिएको बताइएको छ। नयाँ नियुक्तिसँगै प्रदेश सरकारमा कांग्रेसको असन्तुष्ट पक्षले समेत प्रतिनिधित्व पाएको छ, जसलाई पार्टीभित्रको शक्ति सन्तुलन कायम गर्ने प्रयासका रूपमा हेरिएको छ।
काठमाडौँ । संसदीय सुनुवाइ समितिको बैठक आज बिहान ११ बजे बस्दैछ। बैठकमा निर्वाचन आयोगका प्रस्तावित प्रमुख निर्वाचन आयुक्त र आयुक्तहरूविरुद्ध...
काठमाडौं : सांसदहरूले स्वकीय सचिव राख्न पाउने सरकारको निर्णय नेपाल राजपत्रमा प्रकाशित भएको छ । कानुन, न्याय तथा संसदीय मामिला...
काठमाडौं : हाल देशभर मनसुनी वायुको प्रभाव छ। जल तथा मौसम विज्ञान विभाग, मौसम पूर्वानुमान महाशाखाका अनुसार मनसुनको न्यून चापीय...
