सरकार ‘होसहवासमा छैन’, लोकतन्त्र संकटमा छ : ओली – Naya Bikalpa
November 22, 2026, Sunday      Epaper

सरकार ‘होसहवासमा छैन’, लोकतन्त्र संकटमा छ : ओली

काठमाडौं । नेकपा (एमाले) का अध्यक्ष केपी शर्मा ओलीले सरकारको १०० दिनको कार्यसम्पादनको समीक्षा गर्दै वर्तमान सरकार ‘होसहवासमा नरहेको’ आरोप लगाएका छन्। उनले सरकारको कार्यशैली लोकतान्त्रिक मूल्य–मान्यताविपरीत रहेको दाबी गर्दै लोकतन्त्र नै संकटमा परेको टिप्पणी गरे।

बिहीबार ललितपुरको च्यासलस्थित एमाले केन्द्रीय कार्यालयमा आयोजित पार्टी प्रवेश कार्यक्रममा बोल्दै अध्यक्ष ओलीले सरकार फाँसीवादी प्रवृत्तितर्फ उन्मुख भएको आरोप लगाए। उनले सुकुम्बासी बस्तीमा डोजर चलाइएको, बालबालिका रोइरहेका र नागरिक विस्थापित भएका दृश्य सञ्चारमाध्यममार्फत सार्वजनिक भइरहेको उल्लेख गर्दै सरकारको व्यवहार अधिनायकवादी भएको बताए।

सरकारले जनताको आवाज नसुन्ने र आलोचनाप्रति असहिष्णु बनेको आरोप लगाउँदै ओलीले देशमा नागरिकले खुसी हुने वातावरण नरहेको टिप्पणी गरे।

उनले भने, “नेपालमा अहिले खुसी हुनका लागि अन्तर्राष्ट्रिय फुटबल खेल हेर्नुपर्छ। राति अबेरसम्म त्यो हेरेर केहीबेर रमाउन सकिएला, नत्र खुसी हुने ठाउँ कतै छैन।”

सरकारको अवस्थालाई ‘उम्लिएको दूध’सँग तुलना गर्दै ओलीले सरकार यथार्थबाट टाढिएको टिप्पणी गरे। उनले भने, “अहिले यो सरकार कहाँ ठेगानमा छ? यसका खुट्टा कहाँ भुइँमा छन्? उम्लिएको दूधजस्तै भएको छ। दूध भाँडाको पिँधमा छैन, भाँडाभरि फैलिएको छ।”

देशको समग्र अवस्था सन्तोषजनक नरहेको उल्लेख गर्दै ओलीले मुलुकलाई सही दिशामा अघि बढाउने जिम्मेवारी एमालेले पूरा गर्ने दाबी गरे। उनले एमाले कमजोर नभएको, अझ सशक्त रूपमा अघि बढ्ने र सफल हुने विश्वास व्यक्त गरे।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ असार २५, १७: ५२

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ असार २५, १७: ५२

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८३ असार २५, १७: ५२

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...