सेताेपट्टी बाँधेर गरे इजलास बहिष्कारकाे विराेध

प्रभास दैलेखी
प्रकाशित मिती: २०७८ कार्तिक १५, १५: ४८

काठमाडौं । न्यायाधीशहरुले इजलास बहिष्कार गरेकोे विरोधमा कानून व्यवसायीहरुले सेतोपट्टी बाँधेका छन् । सर्वोच्च अदालतका न्यायाधीशहरुलाई इजलास बहिष्कार गर्ने अधिकार नभएको भन्दै काठमाडौंको माइतिघरमा कानून व्यवसायी र सर्वसाधारणले विरोध प्रदर्शन गरेका हुन् ।

विरोध प्रदर्शनमा न्यायमूर्तिका रुपमा स्थापित सम्माननीय न्यायाधीशहरुलाई इजलास बहिष्कार गर्ने अधिकार कसले दियो ?, हड्तालकारी न्यायाधीशहरुलाई जनताले घिसारेर इजलासमा लिनुपर्छ, हल्ला र गुटबन्दीको भरमा राजनीति चल्ला तर न्यायापालिका होईन, घेराबन्दी बन्द गरौं, न्यायापालिका सुचारु गरौं’ लेखिएका ब्यानर तथा प्लेकार्डहरु प्रदर्शन गरिएका थिए ।

विरोध प्रदर्शनमा अधिवक्ता स्वागत नेपालले न्यायाधीशहरुले आफ्नो जिम्मेवारी र कानूनी जिम्मेवारी बिर्सेर अदालतलाई बन्दी बनाएको आरोप लगाए । न्यायाधीशहरुले जनताका काम गर्नुपर्नेमा जनतालाईमा मारमा पारेको धारणा उनको थियो ।

न्यायाधीशहरुले आज (सोमबार)बाट बन्दी प्रत्यतीकरणका सुनुवाईहरु सुरु गरेका छन । प्रधानन्यायाधीशको राजीनामा माग गर्दै सर्वोच्चमा क्रमबद्ध आन्दोलन भइरहेको छ ।

सम्बन्धित समाचार

एमाले भ्रष्टाचारीलाई जोगाउने पार्टी हो, तत्काल एकता सम्भव छैन : प्रचण्ड

२०७८ कार्तिक १५, १५: ४८

काठमाडौं : नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा (एमाले) सँग राष्ट्रिय मुद्दाहरूमा सहकार्य हुनसक्ने भएपनि तत्काल...