देशैभर राप्रपाकाे पक्षमा जनलहर उर्लिएकाे छः अध्यक्ष लिङ्देन

नयाँ विकल्प
प्रकाशित मिती: २०७९ बैशाख ४, १५: १६

जनकपुर । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले स्थानीय तहको निर्वाचनमा कुनैपनि दलसंग चुनानी तालमेल नहुने बताएका छन् । आइतबार जनकपुरधाम विमानस्थलमा सञ्चारकर्मीसंग कुरा गर्दै अध्यक्ष लिङ्देनले राप्रपा आफ्नै एजेण्डाहरु लिएर स्थानीह तह निर्वाचनमा जनताबीच जाने र कुनै पनि राजनीतिक दलहरुसंग तत्काल चूनावी तालमेलको हुन नसक्ने स्पष्ट पारेका हुन् ।

पछिल्लो क्रममा नेपालका शाषक दलहरुले गरेका विविध गल्तीहरुले जनताको चाहाना अब देशमा राप्रपाले नेतृत्व लियोस भन्ने रहेकाले जनभावना अनुरुप स्थानीय तह निर्वाचनमा आफ्नो पार्टीले अधिकांश पालिकामा जित हासिल गर्ने दाबी पेस गरे ।

फरकप्रसंगमा अध्यक्ष लिङ्देनले राप्रपाले मौका पाउने वित्तिकै नेपालमा राजसंस्था ल्याउने र हिन्दु राष्ट्र समेत घोषणा गर्ने बताउँदै नयाँ सम्झौता अन्तर्गत राष्ट्रप्रमुख वा अभिभावकिय संस्थाको रुपमा राजसंस्था रहने बताए । जनताबाट निर्वाचित जनप्रतिनिधिले देशको शासन व्यवस्था चलाउने नीति राप्रपाको रहेको उनको भनाई छ ।

धनुषाको विरन्द्रबजारमा पार्टी प्रवेश एवम स्थानीय तह निर्वाचन केन्द्रित कार्यक्रमलाई सम्बोधन कार्यक्रममा सहभागी हुन अध्यक्ष लिङ्देन र पार्टीकी केन्द्रीय सदस्य एवम् नायिका रेखा थापा जनकपुर रहेका छन् ।

सम्बन्धित समाचार

सुनसरी घटनाप्रति गगन थापाद्वारा दुःख व्यक्त, निष्पक्ष छानबिनको माग

२०७९ बैशाख ४, १५: १६

काठमाडौं : नेपाली कांग्रेसका सभापति गगनकुमार थापाले सुनसरीको देवानगन्ज गाउँपालिका–कप्तानगन्जमा भएको घटनाप्रति गहिरो दुःख व्यक्त गरेका छन् । सोमबार एक...