राष्ट्रियसभा बैठक सुरु

नयाँ विकल्प संवाददाता
प्रकाशित मिती: २०७९ श्रावण २३, १३: ४०

काठमाडौं । साउन २३ गते सङ्घीय संसदअन्तर्गतको राष्ट्रियसभा बैठक सुरु भएको छ । संसद भवनमा दिउँसो १ बजेबाट सुरु भएको बैठकमा अध्यक्षले राष्ट्रपतिको कार्यालयबाट प्राप्त विधेयक प्रमाणीकरणसम्बन्धी पत्रको व्यहोरा जानकारी गराउनु हुने छ

। त्यस्तै, अध्यक्षले राष्ट्रियसभा नियमावली, २०७५ को नियम १४९ बमोजिम विषयगत समितिमा रहुनुहुने सदस्यहरुको नाम मनोनयनका लागि प्रस्ताव गर्नुहुने छ ।

सङ्घीय संसदको महासचिव डा. भरतराज गौतमले प्रधानमन्त्री शेरबहादुर देउवाले विभिन्न प्रतिवेदन सभा समक्ष पेश गर्नुहुने कार्यसूची रहेको बताएका छन।

कार्यसूची अनुसार गृहमन्त्री बालकृष्ण खाणले प्रतिनिधिसभाबाट सन्देशसहित प्राप्त ‘‘कारागार विधेयक, २०७६ लाई दफावार छलफलका लागि विधायन व्यवस्थापन समितिमा पठाइयोस् भन्ने प्रस्ताव प्रस्तुत गर्नुहुने छ ।

सम्बन्धित समाचार

सांसद थप जिम्मेवार र अध्ययनशील बन्नुपर्छ : सभामुख अर्याल

२०७९ श्रावण २३, १३: ४०

काठमाडौँ| डोलप्रसाद अर्याल ले सांसदका काम, व्यवहार र शैलीलाई जनताले विभिन्न माध्यमबाट निरन्तर नियालिरहेको उल्लेख गर्दै सबै सांसद आफ्नो जिम्मेवारीप्रति...