
नयाँ विकल्प,
काठमाडौं – नेपाल प्रेस युनियनक केन्द्रीय सदस्य तथा राष्ट्रिय समाचार समितिको वरिष्ठ समाचारदाता राजाराम कार्कीलाई नेपाल प्रहरी स्कुुल साँगामा शिक्षकका रुपमा कार्यरत उद्धव कार्कीले आइतबार बनेपाको बसपार्कस्थित एक पशल अगाडि निर्घात कुटपिट गरेका छन् ।
सूर्यविनायक नगरपालिका १० नम्वर वडा निवासी उद्धव कार्कीले पत्रकार राजारामलाई चामुण्डा हार्डवेयरमा घरायसी सामान किनिरहेको बेला पछाडिबाट लछारपछार गरी हेल्मेटले हिर्काउँदा चोट पटक लागेको छ । पत्रकारमाथिको कुटपिट रोक्न खोज्ने स्थानीयको प्रयास समेत असफल भएको थियो ।
पत्रकार कार्कीको टाउकोमा गम्भिर चोट लागेको छ । पत्रकार कार्कीलाई ज्यानमार्ने उदेश्यले आक्रमण गर्ने निज व्यक्तिलाई पक्राउ गरी कारबाही गर्न नेपाल प्रेस युनियन जिल्ला शाखा काभ्रेपलाञ्चोकले माग गरेको छ ।
काभ्रे शाखका अध्यक्ष कपिल कोइरालाद्वारा जारी विज्ञप्तीमा दोषीलाई कारबाही गर्न माग गरिएको छ ।
बालमैत्री पत्रकार सञ्जाल नेपालका अध्यक्ष समेत रहेका कार्कीलाई आक्रमण गर्नेलाई पक्राउ गर्न र क्षतिपूर्ती उपलब्ध गराउन सञ्जालका कोषाध्यक्ष खगेन्द्र शिवाकोटीले माग गरेका छन् । घाइते पत्रकार कार्कीको हाल धुलिखेलमा उपचार भइरहेको छ ।
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...
काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...