- अनामनगर काठमाडौँ
- infobikalpa21@gmail.com
काठमाडौं । सत्तारूढ नेपाल कम्युनिस्ट पार्टी (नेकपा) का सांसदहरुले सर्वोच्च अदालतका बरिष्ठ न्यायाधीश दिपकराज जोशीबिरुद्ध महाभियोग लगाउने तयारी शुरु गरेका छन् । सर्वोच्च अदालतका तत्कालिन कायम मुकायम प्रधानन्यायाधीश जोशीलाई प्रधानन्यायाधीशको लागि न्याय परिषद् हुँदै संवैधानिक परिषद्ले सिफारिस गरे पनि संसदीय सुनुवाई विशेष समितिले गत १८ साउनमा उनलाई बहुमतले अश्वीकृत गरेको थियो ।
उनको नाम समितिले अस्वीकृत गर्दा बिदामा बसेका थिए भने न्यायपरिषद्ले ओमप्रकाश मिश्रलाई प्रधानन्यायाधीशमा सिफारिस गरी संसदीय सुनुवाई विशेष समितिले अनुमोदन गर्दा जोशीले सवोच्च अदालतमा स्वागत गरेका थिए ।
सुनुवाई विशेष समितिले मिश्रलाई प्रधानन्यायाधीशमा अनुमोदन गरेपनि उनी सर्वाेच्च अदालतमा बरिष्ठतम न्यायाधीशको रुपमा जिम्मेवारी बहन गर्दै आएका थिए । जोशीलाई महाभियोग लगाउन नेकपाका सांसदरूले हस्ताक्षर संकलन संसद भवन नयाँ बानेश्वरमै हुँदा शुरू गरेका थिए । नेकपा संसदीय दलको कार्यालयमा सिंहदरबारमा समेत उपस्थित सांसदहरुलाई खाली पानामा हस्ताक्षर गराइएको थियो । महाभियोगको प्रस्ताव बिहीबार साँझ नै दर्ता गर्ने हल्ला गरिएको थियो ।
हस्ताक्षर अभियानको नेतृत्व नेकपाका उपनेता सुवास नेम्वाङले गरेका थिए । महाभियोगको प्रस्ताव दर्ता गर्न एक चौथाइ अर्थात ८३ जना सांसदको हस्ताक्षर आवश्यक पर्छ । संसदमा नेकपाका २१४ जना सांसद छन् । जोशीलाई राजीनामा दिन दबाब दिइएको थियो ।
संघीयताको सुदृढीकरणसँगै जनचाहना अनुसार सामान्य नागरिकहरुको समेत पहुच र अभिभावकिय भुमिकामा रहेको प्रादेशिक सरकारहरु अव्वल रुपमा अगाडि वढिरहेका छन ।...
काठमाडौँ । राष्ट्रिय स्वतन्त्र पार्टी को प्रथम महाधिवेशनअन्तर्गत केन्द्रीय सदस्य चयनका लागि मतदान आज राति साढे ८ बजेदेखि सुरु हुने...
काठमाडौं : नेपाली कांग्रेसले क्रियाशील सदस्यता वितरण अभियानअन्तर्गत नयाँ क्रियाशील सदस्यता वितरणलाई प्रभावकारी बनाउन ७७ वटै जिल्लाका लागि केन्द्रीय प्रतिनिधि...
