शेयर बजारमा दोहोरो अंकको वृद्धि

नयाँ विकल्प संवाददाता
प्रकाशित मिती: २०८० असार १९, १५: १७

काठमाडौं । शेयर बजार साताको कारोबारको तेस्रो दिन मंगलबार दोहोरो अंकले बढेको छ । आज नेप्से १२.७३ अंकले घटेर दुई हजार ८८ दशमलब ७० विन्दुमा पुगेर रोकिएको ।

बजार बढेपनि कारोबार रकममा भने गिरावट आएको छ । आज दुई अर्ब ५७ करोड ६१ लाख बराबरको कारोबार भएको छ । सोमबार नेप्सेमा चार अर्ब ५ करोड १० लाख बराबरको कारोबार भएको थियो ।

बजारमा कारोबार भएका १४५ कम्पनीको शेयरमूल्य बढेको छ भने ७२ कम्पनीकोे शेयरमूल्य घटेको छ । नौं वटा कम्पनीको शेयरमूल्य स्थिर रहेको छ । सिटी होटल्सको शेयरमूल्य ९.९८ प्रतिशतले बढेर प्रतिकित्ता ५५९ दशमलव ७० रुपैयाँ पुगेको छ ।

आज सबैभन्दा बढी बिपिडब्लु लघुवित्त कम्पनीका लगानीकर्ताले सर्वाधिक गुमाएका छन् । यसको शेयरमूल्य आज ९ प्रतिशत भन्दा बढीले घटेको छ । नेप्सेका अनुसार कारोबारको आधारमा आज सबैभन्दा बढी नागरिक लगानी कोषको भएको छ । यस कम्पनीको आज १२ करोड १७ लाख रुपैयाँ भन्दा बढीको कारोबार भएको छ ।