हिमेशको ‘स्वर्णकथा नेपाली फुटबलको ‘ लोकार्पित

नयाँ विकल्प
प्रकाशित मिती: २०८२ जेष्ठ १८, २०: ११

काठमाडौं । खेल पत्रकार हिमेशरत्न बज्राचार्यद्वारा लिखित ‘स्वर्णकथा नेपाली फुटबलको’ पुस्तकको लोकार्पण गरिएको छ ।

आइतबार नेपाली राष्ट्रिय फुटबल टिमका पूर्वकप्तान राजुकाजी शाक्यले एक कार्यक्रमबीच पुस्तकको लोकार्पण गरे ।
पुस्तकमा नेपाली खेलकुद पत्रकारितामा करिब तीन दशक अनुभव बटुलिसकेका पत्रकार बज्रचार्यले सन् १९८४ मा दक्षिण एसियाली खेलकुद (साग)मा नेपालले पहिलोपटक फुटबलतर्फ जितेको स्वर्ण पदकदेखि हालसम्मको फुटबल खेलको इतिहास समेटेका छन् ।

राजधानीमा आइतबार आयोजित उक्त लोकार्पण कार्यक्रममा नेपाल खेलकुद पत्रकार मञ्चका पूर्वअध्यक्ष अजय फुयाल, वर्तमान अध्यक्ष निरञ्जन अधिकारी, देशसञ्चार डटकमका प्रधान सम्पादक युवराज घिमिरे, अखिल नेपाल फुटबल संघ (एन्फा)का महासचिव किरण राई, एट्लेटिक्स घावक सन्तोषी श्रेष्ठ, बुक हिल प्रकाशनका प्रकाशक भुपेन्द्र खड्का लगायतले पुस्तकको बारेमा चर्चा गरेका थिए ।
‘स्वर्णकथा नेपाली फुटबलको’ नेपाली फुटबलको एक शताब्दी लामो इतिहास समेटिएको पुस्तक हो ।

कृति बुक हिल प्रकाशनले प्रकाशित गरेको हो ।