स्कटल्यान्डमाथि नेपालको जित – Naya Bikalpa
November 16, 2026, Monday      Epaper

स्कटल्यान्डमाथि नेपालको जित

काठमाडौं।स्कटल्यान्ड, नेपाल र नेदरल्यान्ड्सबीचको टी-२० अन्तर्राष्ट्रिय सिरिजअन्तर्गत घरेलु टोली स्कटल्यान्डमाथि नेपालले मंगलबार २ विकेटको जित निकालेको छ।सिरिजमा नेपालले पहिलो जित हात पारेको हो।९८ रनको सामान्य लक्ष्य नेपालले लक्ष्य ८ विकेटको क्षतिमा १९.५ बलमा पूरा गर्‍यो।नेपालको ब्याटिङ सोचे जस्तोभएन्। ओपनिङ ब्याटर लोकेश बम ९ रन र अनिल साह ३ रनमा आउट भएपछि नेपाललाई सुरुमै दबाब पर्‍यो।

त्यसपछि कप्तान रोहित पौडेल पनि ७ रनमै आउट भए। ओपनर कुशल भुर्तेल चौथो विकेटको रुपमा ३० रन जोडेर आउट भए। भुर्तेलले ३५ बल खेलेर ४ चौका प्रहार गरे।दीपेन्द्रसिंह ऐरीले १४ रन र बसिर अहमदले १३ रन बनाए।रुपेश सिंहलाई सातौं विकेटको रुपमा माइकल लिस्कले आउट गरे।

नेपाललाई अन्तिम ओभरमा जितका लागि चार रन चाहिएको थियो भने तीन विकेट बाँकी थियो। पहिलो बलमा करण केसीले सफायन सरिफविरूद्ध एक रन लिन सफल भए। दोस्रो बलमा पनि किरण ठगुन्नाले एक रन नै लिए। तेस्रो बलमा पनि एक रन भयो। तर चौथो बलमा ठगुन्ना १० रनमा आउट हुन पुगे। जसका करण नेपाललाई अन्तिम दुई बलमा एक रन चाहियो। पाँचौ बलमा सन्दीप लामिछानेले १ रन लिँदै नेपाललाई जित दिलाए।

बलिङमा स्कटल्यान्डका सरिफ र लिस्कले २(२ विकेट लिए।ग्लास्गोमा टस जितेको नेपालले फिल्डिङ रोजेपछि पहिले ब्याटिङ गरेको स्कटल्यान्ड १९।४ ओभरमा ९७ रनमा अलआउट भयो।स्कटल्यान्डका लागि माइकल लिस्कले सबैभन्दा बढी ४६ रन जोडे। १९औं ओभरको चौथो बलमा अन्तिम विकेटको रुपमा आउट हुनुअघि उनले ४६ बलमा ४ चौका र १ छक्का प्रहार गरे। खेलमा स्कटल्यान्डका ८ ब्याटरले दोहोरो अंकमा रन जोड्न सकेनन्।पहिलो ओभरमै दीपेन्द्रसिंह ऐरीले ओपनिङ ब्याटर मार्क वाटलाई एक रनमा बोल्ड गरे। दोस्रो ‌ओभरमा करण केसीले ओपनर जर्ज मुन्सीलाई ८ रनमा आउट गरेका थिए।

लगातार विकेट लिएको नेपालले मुन्सी आउट भएको अर्को बलमा लियाम नेलरलाई १ रनमा रनआउट गर्‍यो।

करण केसीले चौथो ओभरमा फिन्ले म्याक्रिथलाई २ रन र अर्को ओभरमा ब्रान्डन म्याकमलेनलाई ललित राजवंशीले १० रनमा क्याच गराएपछि नेपाल खेलमा हाबी भयो। यससँगै करणले टी(२० अन्तर्राष्ट्रिय क्रिकेटमा सय विकेट पूरा गरे।सन्दीप लामिछानेले १३औं ओभर र १६औं ओभरमा २–२ विकेट गरी कुल चार विकेट लिए। सन्दीपले ४ ओभरमा ४ विकेट लिँदा १ मेडन राखे भने ११ रन मात्र खर्चिए। करण केसीको नाममा २ विकेट रह्यो।
दीपेन्द्रले पनि २ विकेट लिँदा ललित राजवंशीले १ विकेट हात पारे।

निर्धारित २० ओभर र एक ओभरका दुई वटा सुपर ओभरका खेलमा स्कोर बराबरी भएपछि खेल तेस्रो सुपर ओभरमा पुगेको थियो।सिरिजमा यसअघि स्कटल्यान्डले नेदरल्यान्ड्सलाई पराजित गरेको थियो।नेपाल र स्कटल्यान्डबीच पहिलो पटक टी-२० अन्तर्राष्ट्रिय खेलमा प्रतिस्पर्धा भएको हो।

 

सम्बन्धित समाचार

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०८२ असार ४, ०७: ५७

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
  • २०८२ असार ४, ०७: ५७

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...

एनपिएल : कर्णालीले चितवनलाई हरायो
एनपिएल : कर्णालीले चितवनलाई हरायो
  • २०८२ असार ४, ०७: ५७

काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...