साफ यु–२० महिला च्याम्पियनसिप : भुटानविरुद्ध नेपालको सहज जित – Naya Bikalpa
November 16, 2026, Monday      Epaper

साफ यु–२० महिला च्याम्पियनसिप : भुटानविरुद्ध नेपालको सहज जित

काठमाडौं : पूर्णीमा राईको उत्कृष्ट प्रदर्शनसहित नेपालले बंगलादेशमा सुरु भएको साफ यु–२० महिला च्याम्पियनसिपमा शानदार सुरुवात गरेको छ । शुक्रबार ढाकास्थित बसुन्धरा किङ्स एरेनामा भएको खेलमा साबिक उपविजेता नेपालले भुटानलाई ६–१ ले पराजित गर्दै तीन अंक जोडेको हो ।

नेपालको जितमा पूर्णीमा राईले ह्याट्रिकसहित चार गोल गरिन् भने सेनु परियारले दुई गोल थपिन् । भुटानका लागि केल्देन वाङ्मोले एक मात्र सान्त्वना गोल फर्काइन् ।

खेलको नवौं मिनेटमै सेनुले वर्षा ओलीको पासमा पहिलो गोल गर्दै नेपाललाई अग्रता दिलाएकी थिइन् । त्यसपछि १८औं मिनेटमा पूर्णीमाले वर्षाकै क्रसमाथि वान टचमा गोल गर्दै अग्रता दोब्बर बनाइन् । पहिलो हाफको अन्त्यतिर सेनुले व्यक्तिगत दोस्रो तथा टिमका लागि तेस्रो गोल गर्दै नेपाललाई ३–० को मजबुत अग्रता दिलाइन् ।

दोस्रो हाफमा भने भुटानले केही प्रतिरोध देखाउने संकेत गर्‍यो । ५४औं मिनेटमा केल्देन वाङ्मोले गोल गर्दै स्कोर ३–१ बनाइन् । तर त्यसपछि पूर्णीमाले थप तीन गोल गर्दै नेपालको जित सुनिश्चित गरिन् ।

पूर्णीमाले ६३औं, ८४औं र ८८औं मिनेटमा गोल गर्दै ह्याट्रिक पूरा मात्र गरिनन्, चार गोलको व्यक्तिगत प्रदर्शनसमेत गरिन् । सुक्रिया मिया र वर्षा ओलीले पनि गोल गर्ने अवसर पाए पनि उपयोग गर्न सकिनन् ।

नेपालसँगै बंगलादेशले पनि विजयी सुरुवात गरेको छ । उद्घाटन दिनकै पहिलो खेलमा घरेलु टोलीले श्रीलंकामाथि ९–० को फराकिलो जित दर्ता गरेको थियो । यद्यपि दुवै टोलीको ३–३ अंक भए पनि गोल अन्तरका आधारमा बंगलादेश शीर्ष स्थानमा रहेको छ ।

चार टोली सहभागी प्रतियोगिता डबल राउन्ड रोबिनको आधारमा खेलाइँदैछ । उपाधिका लागि सबैभन्दा धेरै अंक बटुल्ने टोली विजेता घोषित हुनेछ । नेपालले अब आइतबार दोस्रो खेलमा आयोजक बंगलादेशसँग प्रतिस्पर्धा गर्नेछ ।

सम्बन्धित समाचार

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८२ असार २७, २०: ५१

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८२ असार २७, २०: ५१

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
  • २०८२ असार २७, २०: ५१

काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...