साफ यु–२० महिला च्याम्पियनसिप : बंगलादेशले जित्यो उपाधि, नेपाल उपविजेतामै सीमित – Naya Bikalpa
November 16, 2026, Monday      Epaper

साफ यु–२० महिला च्याम्पियनसिप : बंगलादेशले जित्यो उपाधि, नेपाल उपविजेतामै सीमित

काठमाडौं : साफ यु–२० महिला च्याम्पियनसिप फुटबलमा नेपाल उपविजेतामै सीमित भएको छ । बंगलादेशकी सागोरिका मोसमतको चम्किलो प्रदर्शनसँगै साविक विजेता बंगलादेशले उपाधि रक्षा गरेको हो ।

सोमबार बंगलादेशको बसुन्धरा किङ्स एरेनामा सम्पन्न लिगको अन्तिम खेलमा बंगलादेशले नेपाललाई ४–० को फराकिलो अन्तरले पराजित ग¥यो । यो जितसँगै बंगलादेशले ६ खेलमा शतप्रतिशत जित निकाल्दै १८ अंकसहित उपाधि उचालेको हो । नेपाल समान खेल खेलेर १२ अंक जोड्दै दोस्रो स्थानमा रह्यो ।

प्रतियोगितामा नेपाल र बंगलादेशबीच यो दोस्रो भिडन्त थियो । पहिलो भेटमा बंगलादेशले इन्जुरी समयको अन्तिम सेकेन्डमा गोल गर्दै नेपाललाई ३–२ ले पराजित गरेको थियो ।

बंगलादेशले गत संस्करण (२०२३) मा पनि उपाधि जितेको थियो । उमेर समूहको यो प्रतियोगितामा बंगलादेशको कुल उपाधि संख्या अब पाँच पुगेको छ । यसअघि उसले दुईपटक यु–१९, एकपटक यु–१८ र यु–२० च्याम्पियनसिप जितेको थियो ।

बंगलादेशको जितमा सागोरिका मोसमत एक्लै नायिका बनिन् । उनले चार गोल गर्दै ह्याट्रिकसहित शानदार पुनरागमन गरिन् । नेपाली डिफेन्डर सिम्रन राईसँग मैदानमै भएको झगडाका कारण ३ खेलको प्रतिबन्ध खेपेर पुनरागमन गरेकी सागोरिकाले अन्तिम खेलमा निर्णायक प्रदर्शन गरिन् ।

सम्बन्धित समाचार

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८२ श्रावण ५, २१: ११

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८२ श्रावण ५, २१: ११

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
  • २०८२ श्रावण ५, २१: ११

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...