- अनामनगर काठमाडौँ
- infobikalpa21@gmail.com
काठमाडौं । साना तथा स्वरोजगारमूलक संचारमाध्यमहरुको छाता संगठन लोकतान्त्रिक छापामाध्यम राष्ट्रिय समाजको केन्द्रीय समितिको बैठकले समानुपातिक विज्ञापन प्रणाली लागू गर्न सरकारसँग आग्रह गरेको छ । २०६४ पछि सरकारले हालसम्म लोककल्याणकारी विज्ञापन रकममा कुनै पनि वृद्धि गरेको छैन ।
यो विषयमा विगत लामो समयदेखि साना तथा स्वरोजगारमूलक अखबारहरुको छाता संगठन लोकतान्त्रिक छापामाध्यम राष्ट्रिय समाजले सरकार समक्ष पटक पटक आवाज उठाउँदै आएको र सो बारेमा सरकारले अहिलेसम्म कुनै चासो नदेखाएकोले यथाशीघ्र समानुपातिक विज्ञापन प्रणालीबाट विज्ञापन उपलब्ध गराउनुपर्ने र समानुपातिक विज्ञापन प्रणाली लागू नहुन्जेल लोककल्याणकारी विज्ञापन दोब्बर गरिनुपर्ने माग राख्दै त्यसो नभए सशक्त आन्दोलनमा जाने तयारी समेत गरिरहेको समाजले जनाएको छ ।
यही शनिबार काठमाडौंमा केन्द्रीय समितिको बैठक बसी समाजले विभिन्न निर्णय समेत गरेको छ । जसअनुसार विधान संशोधन, वार्षिक साधारणसभा, मुलुकभर संगठन विस्तार लगायत विभिन्न निर्णय गरिएका छन् । समाजले २५ वर्ष पत्रकारिता गरिसकेका पत्रकारहरुलाई औषधी उपचारमा छूट, जीवन विमा, ५८ वर्ष पुगेका पत्रकारलाई पेन्सन सुविधा उपलब्ध गराउनुपर्ने माग लगायत संचार क्षेत्रसँग सम्बन्धित निर्णयहरु गरेको छ ।
काठमाडौं : सर्वोच्च अदालतले इजलास तथा मुद्दा व्यवस्थापनका लागि लागू गरिएको गोलाप्रथा प्रक्रियालाई परिवर्तन गर्ने कुनै योजना नरहेको स्पष्ट पारेको छ...
काठमाडौं । कृषि, वन तथा वातावरणमन्त्री गीता चौधरीले सरकारले किसानलाई समयमै रासायनिक मल उपलब्ध गराउन विशेष पहल गरिरहेको बताएकी छन्...
काठमाडौं : अर्थमन्त्री स्वर्णिम वाग्लेले संघीय संसद्मा चालु आर्थिक वर्ष २०८२/८३ को आर्थिक सर्वेक्षण प्रस्तुत गरेका छन् । आर्थिक सर्वेक्षण प्रस्तुत...
