ट्वान्टी–२० शृंखला पाकिस्तानको कब्जामा,दक्षिण अफ्रिका पराजित – Naya Bikalpa
November 21, 2026, Saturday      Epaper

ट्वान्टी–२० शृंखला पाकिस्तानको कब्जामा,दक्षिण अफ्रिका पराजित

काठमाडौं ।पाहुना टिम दक्षिण अफ्रिकाकाविरुद्धको ट्वान्टी–२० अन्तर्राष्ट्रिय शृंखला पाकिस्तानले आफ्नो पक्षमा पारेको छ । शनिबार गद्दाफी अन्तर्राष्ट्रिय क्रिकेट मैदानमा तेस्रो तथा अन्तिम खेलमा पाकिस्तान चार विकेटले विजयी भएसँगै शृंखला २–१ ले जितेको हो ।शृंखलाको पहिलो खेल दक्षिण अफ्रिकाले ५५ रनले जितेको थियो । दोस्रो खेलमा पाकिस्तान नौ विकेटले विजयी भएको थियो ।
शनिबार दक्षिण अफ्रिकाले प्रस्तुत गरेको १४० रनको लक्ष्य पाकिस्तानले १९ ओभरमा ६ विकेट गुमाउँदै पूरा गर्‍यो । पाकिस्तानको जितमा बाबर आजमले सर्वाधिक ६८ रन बनाए । उनले ४७ बलमा नौ चौका प्रहार गरे । कप्तान सलमान अघाले ३३ र शाहिबजादा फरहानले १९ रन जोडे ।दक्षिण अफ्रिकाका लिजार्ड विलियम र कोर्बिन बोशले समान दुई विकेट लिए । एन्डिल सिमलेन र कप्तान डोनोभान फरेराले समान एक विकेट लिए ।

त्यसअघि, टस हारेर ब्याटिङको निम्तो पाएको दक्षिण अफ्रिकाले निर्धारित २० ओभरमा नौ विकेट गुमाएर १३९ रन बनाएको थियो । दक्षिण अफ्रिकाका रिजा हेन्ड्रिक्सले ३४ रन बनाए । कोर्बिन बोशले अविजित ३०, डोनोभान फरेराले २९, डिवाल्ड ब्रेभिसले २१ र एन्डिले सिमलेनले १३ रनको योगदान गरे ।

पाकिस्तानका साहिन साह अफ्रिदीले तीन विकेट लिए । फहिम अशरफ र उस्मान तारिकले समान दुई विकेट लिए । सलमान मिर्जा र मोहम्मद नवाजले एकरएक विकेट लिए ।

सम्बन्धित समाचार

एनपीएल फाइनल : सुदूरपश्चिमले टस जित्यो, लुम्बिनीले पहिले ब्याटिङ गर्ने
एनपीएल फाइनल : सुदूरपश्चिमले टस जित्यो, लुम्बिनीले पहिले ब्याटिङ गर्ने
  • २०८२ कार्तिक १६, १६: ०८

काठमाडौं । नेपाल प्रिमियर लिग (एनपीएल) को तेस्रो संस्करणको उपाधिका लागि आज लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ ।...

राखेपले एन्फामाथिको प्रतिबन्ध फुकुवा गर्‍यो
राखेपले एन्फामाथिको प्रतिबन्ध फुकुवा गर्‍यो
  • २०८२ कार्तिक १६, १६: ०८

काठमाडौं । राष्ट्रिय खेलकुद परिषद् (राखेप) ले अखिल नेपाल फुटबल संघ (एन्फा) माथि लगाएको निलम्बनसहित प्रशासनिक तथा आर्थिक प्रतिबन्ध फुकुवा...

एनपीएलमा कामिल मिशाराको दोस्रो शतक, इतिहासमा पाँचौँ शतक
एनपीएलमा कामिल मिशाराको दोस्रो शतक, इतिहासमा पाँचौँ शतक
  • २०८२ कार्तिक १६, १६: ०८

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) मा दोस्रो शतक प्रहार भएको छ । चितवन राइनोजका कामिल...