कारागार ताेडेर भागेका कैदी १६ वर्ष पछि पक्राउ

नयाँ विकल्प
प्रकाशित मिती: २०७७ भाद्र १७, १४: ५५

कैलाली – जिल्ला प्रहरी कार्यालय कैलालीले १६ बर्ष अघि कारागार ताेडेर भागेका दुइजना कैदीलाइ पक्राउ गरेकाे छ । पक्राउ पर्नेमा

गौरिगंगा नगरपालिका-२ बस्ने ६२ वर्षीय चुलुवा चौधरी डाका चोरी मुद्दाका फरार अभियुक्त हुन । त्यस्तै अर्का अभियुक्त कैलारी गाउँपालीका-५ बस्ने ४८ वर्षीय पुरण प्रसाद कुमालर कर्तव्य ज्यान मुद्दाका जेल ताेडेर भागेका अभियुक्त हुन् ।

डाँका चोरी मुद्दामा जिल्ला अदालत कैलालीको २०६६ असार २ गतेको फैसलाले ६ वर्ष कैद र ४ हजार १ सय ४७ रुपैयाँ ६५ पैसा जरिवाना ठहर भएका चौधरीलाई सोमबार आफ्नै घरमा लुकिछिपी बसेको अवस्थामा फेला पारी सोमबार प्रहरीले पक्राउ गरेको छ ।

जिल्ला अदालत कैलालीको फैसला पुनरावेदन अदालत दिपायलबाट समेत सदर भएको थियो । पक्राउ परेका दुवैजनालाइ कैद भुक्तानका लागि अदालतकाे आदेशमा पुनः जेल चलान गरिएकाे जिल्ला प्रहरी कार्यालय कैलालीले जनाएकाे छ