सन्दर्भ ः १०७ औं बीपी जन्मजयन्ति

वीर र पाटन अस्पताललाई तरुण दलले दियो स्वास्थ्य सामग्री

नयाँ विकल्प,
काठमाडौं –कोभिड –१९ कोरोना भाईरसको जोखिममा समेत अग्रपंक्तिमा रहेर जनताको स्वास्थ्य सुरक्षाका लागि आफ्नो ज्यान जोखिममा राखेर सेवा गर्ने स्वास्थ्यकर्मीलाई नेपाल तरुण दलले मास्क, पीपीइ, फेस सिल्ड सहयोग गरेको छ ।

नेपाल तरुण दलका अध्यक्ष जीतजंग बस्नेतले जनताको सुरक्षालाई मध्यनजर गर्दै १०७ औं वी।पी जयन्तीको अवसरमा बुधबार भदौ २४ गते पाटन स्वास्थ्य विज्ञान प्रतिष्ठान (पाटन अस्पताल) लगनखेललाई यस्तो सहयोग गरेका हुन् ।

तरुण दलले पाटन अस्पतालको हाडजोर्नी विभागमा गई ९१ हजार थान मास्क, २० थान पीपीई सेट र २० थान फेस शिल्ड र वीर अस्पताल अन्तर्गत नाक, कान, घाँटी विभागमा गइ ९१ हजार थान मास्क, २० थान पीपीई सेट र २० थान फेस शिल्ड प्रदान गरेको हो ।

जोखिमको समयमा स्वास्थ्य सेवा दिएका स्वास्थ्यकर्मीको लागि ति सामग्री उपलब्ध गराई सहयोग गर्ने काँग्रेस काठमाडौँ क्षेत्र नं ३ का महासमिति सदस्य हरिबोल भण्डारी र मेन्ज फाउन्डेसनका अध्यक्ष मेन्ज खानलाई तरुण दल केन्द्रिय समितिले धन्यवाद समेत दिएको छ ।