- अनामनगर काठमाडौँ
- infobikalpa21@gmail.com
काठमाडौं : नेपाली राष्ट्रिय क्रिकेट टोलीका उपकप्तान तथा अलराउन्डर दीपेन्द्रसिंह ऐरीले पाकिस्तानको फ्रेन्चाइज क्रिकेट प्रतियोगिता पाकिस्तान सुपर लिग (पिएसएल) खेल्ने भएका छन् ।
पिएसएलको ११औं संस्करणका लागि आयोजित अक्सनमार्फत दीपेन्द्रलाई इस्लामाबाद युनाइटेडले ६० लाख पाकिस्तानी रुपैयाँ (करिब ३१ लाख नेपाली रुपैयाँ)मा अनुबन्ध गरेको हो । अक्सन बुधबार सम्पन्न भएको थियो ।
पिएसएल आगामी मार्च २६ देखि मे ३ सम्म सञ्चालन हुनेछ । इस्लामाबाद युनाइटेड पिएसएल इतिहासकै सफल टोलीमध्ये एक मानिन्छ । उसले हालसम्म तीन पटक उपाधि जितिसकेको छ । टोलीले पछिल्लो पटक सन् २०२४ संस्करणको उपाधि आफ्नो नाममा लेखाएको थियो ।
यससँगै दीपेन्द्र पिएसएल खेल्ने दोस्रो नेपाली खेलाडी बनेका छन् । यसअघि नेपाली लेग स्पिनर सन्दीप लामिछानेले पिएसएलमा सहभागिता जनाइसकेका छन् ।
नेपाली क्रिकेटका प्रमुख अलराउन्डरमध्ये एक मानिने दीपेन्द्रको पिएसएल सहभागिताले अन्तर्राष्ट्रिय मञ्चमा नेपाली खेलाडीको उपस्थितिलाई थप बलियो बनाउने अपेक्षा गरिएको छ ।
काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...
काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...
काठमाडौं : नेपाल प्रिमियर लिग (एनपिएल) अन्तर्गत आइतबारको पहिलो खेलमा कर्णाली याक्स विजयी भएको छ । जारी सिजनको आफ्नो अन्तिम...
