- अनामनगर काठमाडौँ
- infobikalpa21@gmail.com
काठमाडौं : राष्ट्रिय स्वतन्त्र पार्टी (रास्वपा)का वरिष्ठ नेता बालेन शाहले प्रतिनिधिसभा निर्वाचनमा भएको आफ्नो चुनावी खर्च विवरण निर्वाचन आयोगमा बुझाएका छन् ।
झापा निर्वाचन क्षेत्र नं. ५ बाट प्रतिनिधिसभा सदस्यमा निर्वाचित शाहले सोमबार आयोगमा आफ्नो खर्च विवरण पेश गरेका हुन् । उनले निर्वाचन अभियानका क्रममा कुल १४ लाख १७ हजार २८९ रुपैयाँ खर्च भएको विवरण बुझाएका छन् ।
आयोगमा बुझाइएको विवरण अनुसार सवारी साधन भाडामा २ लाख ९३ हजार ५०० रुपैयाँ, हवाइ भाडामा ३५ हजार रुपैयाँ, मतदाता प्रशिक्षण कार्यक्रमका लागि खाना खर्च २९ हजार ३९० रुपैयाँ, वडा स्तरीय प्रचार कार्यक्रमका लागि खाजा खर्च २८ हजार ९७० रुपैयाँ खर्च भएको उल्लेख छ। त्यस्तै विभिन्न प्रचार कार्यक्रमका लागि ५ लाख ८० हजार रुपैयाँ खर्च गरिएको विवरणमा जनाइएको छ ।
सबैभन्दा कम खर्च भने उम्मेदवारी मनोनयन प्रक्रियामा भएको देखिएको छ । मनोनयनका लागि १० हजार रुपैयाँ खर्च भएको शाहले आयोगलाई बुझाएको विवरणमा उल्लेख छ ।
गत फागुन २१ गते सम्पन्न प्रतिनिधिसभा निर्वाचनमा शाहले नेकपा एमालेका अध्यक्ष केपी शर्मा ओलीलाई पराजित गर्दै झापा–५ बाट प्रतिनिधिसभा सदस्यमा निर्वाचित भएका थिए ।
काठमाडौं : नेपाली कांग्रेसका अग्रज नेता गोपालमान श्रेष्ठले सभापति गगनकुमार थापालाई राजीनामा नदिइ नयाँ जनादेशअनुसार पार्टी संगठनमा लाग्न आग्रह गरेका...
काठमाडौं : यही फागुन २१ गते सम्पन्न प्रतिनिधिसभा सदस्य निर्वाचनको मतपरिणाम आउनेक्रम अन्तिम चरणमा पुगेको छ । निर्वाचन आयोगबाट अन्तिम मतपरिणाम...
काठमाडौं : राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध दायर सहकारी ठगीसँगै जोडिएका संगठित अपराध र सम्पत्ति शुद्धीकरण मुद्दा...
