आजदेखि काठमाडौंमा काभा महिला भलिबल च्याम्पियनसिप सुरु, नेपालले भारतसँग खेल्दै

नयाँ विकल्प
प्रकाशित मिती: २०८३ जेष्ठ ८, ०७: ३४

काठमाडौँ । काठमाडौंमा आजदेखि काभा महिला भलिबल च्याम्पियनसिप सुरु हुँदैछ। जेठ १४ गतेसम्म सञ्चालन हुने प्रतियोगितामा नेपालसहित किर्गिस्तान, भारत, माल्दिभ्स, इरान, काजकिस्तान, श्रीलंका र बंगलादेशको सहभागिता रहेको छ।

प्रतियोगितामा नेपाल समूह ‘ए’ मा परेको छ। नेपालको समूहमा भारत, किर्गिस्तान र माल्दिभ्स रहेका छन्।

नेपालले आफ्नो पहिलो खेल आज भारतविरुद्ध खेल्नेछ। खेल दिउँसो ३ः३० बजे सुरु हुनेछ। त्यस्तै, दोस्रो खेलमा किर्गिस्तान र माल्दिभ्सबीच साँझ ६ बजे प्रतिस्पर्धा हुने तालिका छ।

नेपालले दोस्रो खेल जेठ ९ गते किर्गिस्तानसँग तथा तेस्रो खेल जेठ १० गते माल्दिभ्ससँग खेल्नेछ।

प्रतियोगिताका लागि निरुता ठगुन्नाको कप्तानीमा १४ सदस्यीय नेपाली राष्ट्रिय महिला भलिबल टोली घोषणा गरिएको छ। टोलीमा निरुता ठगुन्ना, उषा भण्डारी, मिना सुनार, सलिना बुढामगर, कामना विष्ट, रिमा कुँवर, सलिना श्रेष्ठ, बसन्ती साउद, सुमित्रा रेग्मी, सुनिता खत्री, एलिशा मानन्धर, प्रगति नाथ, जसना महतो र शान्तिकला तामाङ रहेका छन्।

सम्बन्धित समाचार

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती

२०८३ जेष्ठ ८, ०७: ३४

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...