व्यवस्थापन बेथिति र विसंगतिको जगमा हुर्किएमा संचय कोषका कर्मचारीको आपत्ति – Naya Bikalpa
November 20, 2026, Friday      Epaper

व्यवस्थापन बेथिति र विसंगतिको जगमा हुर्किएमा संचय कोषका कर्मचारीको आपत्ति


नयाँ विकल्प,
काठमाडौं – करिव ६ लाख २८ हजार बढी संचयकर्ताको जिम्मेवारी लिएको गैरवैकिङ संस्था कर्मचारी संचय कोषको व्यवस्थापन भित्र बेथिति र विसंगति हुर्कदै गएको भन्दै त्यहाँका कर्मचारीहरुले आपत्ति जनाएका छन् ।

कर्मचारी संचय कोषको बुधबार भदौ ३१ गते भर्चुअल माध्यमबाट भएको भएको बैठकमा व्यवस्थापनले कर्मचारीहरुको आधिकारिक संस्था नेपाल वित्तिय संस्था कर्मचारी संघ, कर्मचारी संचय कोष केन्द्रीय समितिलाई कुनै स्थान नदिएको भन्दै कर्मचारीहरुले आपत्ति जनाएका हुन् ।

नेपाल वित्तिय संस्था कर्मचारी संघ, कर्मचारी संचय कोष केन्द्रीय समितिका अध्यक्ष अर्जुनप्रसाद आचार्यले विज्ञप्ती जारी गर्दै वर्ष संस्थाको संस्थागत समिक्षा गर्दा कर्मचारीको सहभागिता गराउने प्रचलनलाई तोडेर व्यवस्थापनले सिंगो कोष व्यवस्थापनमा कृयाशिल यनुनियनलाई कोषको ५९ औं वार्षिकोत्सवको भर्चुअल समारोहमा शुभकामना मन्तव्य दिन र सामान्य समिक्षा गर्न समेत नदिएकोमा गम्भीर आपत्ति जनाए ।

‘यस्ता घटनाले व्यवस्थापन अत्यन्तै गैरजिम्मेवारी अनि सत्ता र शक्तिको आडमा श्रम तथा औद्योगिक सम्वन्धको महत्वपूर्ण अंगमाथि प्रहार गरी पुरातन कर्मचारी तन्त्रिय चरित्रलाई उदाङ्गो पारी ट्रेड युनियन अधिकारमाथि कुठाराघात गर्न पुगेको महसुस भएको छ’ आचार्यद्वारा जारी विज्ञप्तीमा भनिएको छ ।

कर्मचारी संघले कोषको आन्तरिक नियन्त्रण प्रणाली अत्यन्त कमजोर भएको, स्थापित विधि र विधान विपरित काम भइरहेको, स्वच्छ र पारदर्शी प्रशासन संचलन नभएको र कर्मचारीको बृत्ति विकासको अवसरमा ध्यान नपुर्याएको जस्ता आरोप लगाउँदै भौतिक सम्पतिहरुको उपयुक्त व्यवस्थापन नभएको दाबी गरेको छ ।

संघले आस्था र जिम्मा लिएको कर्मचारीका सेवा सुविधालाई पटक्कै ख्याल नगरी व्यवसायीक कार्ययोजनाको पुलिन्दा देखाउने जस्ता काम गरी असन्तुष्टि र आक्रोसको पटाक्षेप हुने त्रास भएका कारण संघप्रति व्यवस्थापन पूर्बाग्रही भएको महसुस गरेको जनाएको छ ।

संघले व्यवस्थापनको यस्तो अत्यन्त कमटी र लाचारपनको घोर भत्सर्ना गर्न बाध्य भएको जनाउँदै गलत निर्णय सच्याउन चेतावनी दिँदै कोष संचालक समितिका अध्यक्ष, संचालकहरु, प्रशासक, सहप्रसासक र विभागीय प्रमुखहरुको ध्यानाकर्षण गराएको छ ।

सम्बन्धित समाचार

नेप्सेमा सामान्य वृद्धि, परिसूचक २६२८.६७ विन्दुमा
नेप्सेमा सामान्य वृद्धि, परिसूचक २६२८.६७ विन्दुमा
  • २०७७ आश्विन २, १७: ०४

काठमाडौँ । साताको कारोबारको अन्तिम दिन बिहीबार नेपाल स्टक एक्सचेञ्ज (नेप्से) परिसूचक सामान्य अंकले बढेको छ । आज नेप्से ३.६२...

सबैको मिशन आगामी स्थानीय निर्वाचन
सबैको मिशन आगामी स्थानीय निर्वाचन
  • २०७७ आश्विन २, १७: ०४

काठमाडौं । छठको निहुँ बनाएर रास्वपा सभापति रवि लामिछाने र नेपाली कांग्रेसका सभापति गगन थापा मधेश प्रदेश ओर्लिएका छन् ।...

कर प्रशासनलाई प्रविधिमैत्री र पारदर्शी बनाउने अर्थमन्त्रीको प्रतिबद्धता
कर प्रशासनलाई प्रविधिमैत्री र पारदर्शी बनाउने अर्थमन्त्रीको प्रतिबद्धता
  • २०७७ आश्विन २, १७: ०४

काठमाडौं । अर्थमन्त्री स्वर्णिम वाग्लेले कर प्रशासनलाई प्रविधिमैत्री, सरल, सहज र पारदर्शी बनाउने प्रतिबद्धता व्यक्त गरेका छन् । राष्ट्रिय कर...