पार्टीको लोगो र झण्डा व्यापारको लागि प्रयोग भएकोमा पौडेलको चिन्ता – Naya Bikalpa
November 17, 2026, Tuesday      Epaper

पार्टीको लोगो र झण्डा व्यापारको लागि प्रयोग भएकोमा पौडेलको चिन्ता

फाइल फाेटाे


नयाँ विकल्प,


काठमाडौं – नेपाली कांग्रेसका नेता रामचन्द्र पौडेलले पार्टीको लोगो र झण्डालाई व्यापार व्यवसाय गर्नका लागि प्रयोग गर्ने क्रम बढेकोमा चिन्ता व्यक्त गरेका छन् ।


गणेशनमान सिंहको २४ औं स्मृति दिवसका अवसरमा प्राध्यापक बहस चौतारीले आयोजना गरेको भर्चुअल कार्यक्रममा नेता पौडेलले कम्युनिष्टसँग प्रतिष्पर्धाका लागि पार्टीको झण्डालाई व्यापारका लागि प्रयोग गर्न रोकेर समाजवादको बहसमा उतार्न आवश्यक रहेको बताएका हुन् ।

‘पार्टीको सबै नेता कार्यकर्ताहरुले समाजवादी आचरण र व्यवहार देखाउनु पर्छ । कांग्रेसले जनतामाझमा समाजवादीको खरो व्याख्या गरेर जानुपर्छ’ पौडेलले भने, ‘पार्टीको लोगो र झण्डालाई व्यापार व्यवसाय गर्नका लागि प्रयोग गर्ने क्रम बढेको छ ।’

आउदो चुनाव जित्नका लागि कांग्रेसलाई समाजवादमा खरो उतार्नु आवश्यक भएको भन्दै अब राजनीति जोड घटाउबाट राजनीति नचलाइ सिद्धान्तको राजनीति आवश्यक भइसकेको पौडेलले बताए ।

पौडेलले भने, ‘कम्युनिष्टलाई सिद्धान्तको बहसमा उतार्न सक्नुपर्छ । कम्युनिष्टको विचार के हो ? उनीहरुले अझै झुट बोलिरहेका छन् । कम्युनिष्टलाई सिद्धान्तको बहसमा उत्रार्न सकेमात्र कांग्रेसको जीत हुन्छ ।’

कम्युनिष्टहरुसँग पैसा राज्यसत्ता सबै भएकाले उनीहरुलाई परास्त गर्न त्यसै नसकिने पौडेलको तर्क थियो । उनले भने, ‘पूँजीपति रिसाउछ कि भनेर मोलाहिजा नगरी जनताले बुझ्ने भाषामा समाजवादको व्याख्या गर्नुपर्ने पौडेलको भनाई थियो ।

पौडेलले कांग्रेसको समाजवाद गरिबको हित, दलितको पक्ष, श्रमिकको साथी र किसानको विचार भएको तथा गरिबको हित सुरक्षा नगरी पूँजीपतिको सुरक्षा हुँदैन भन्ने विश्वास पुँजीपतिलाई दिलाउनुपर्ने बताए ।

प्राध्यापक डा. गोविन्दमान सिंह कार्कीले कार्यपत्र पेश गरेका थिए भने कार्यपत्रमाथि नेपाल पत्रकार महासंघका पूर्वसभापति धर्मेन्द्र झाले कार्यपत्रमाथि टिप्पणी गरेका थिए ।

सम्बन्धित समाचार

काठमाडौं उपत्यकामा मासु परीक्षण र छाप लगाउने कार्य सुरु
काठमाडौं उपत्यकामा मासु परीक्षण र छाप लगाउने कार्य सुरु
  • २०७७ आश्विन ५, १५: ४०

काठमाडौं । पशु सेवा विभागले काठमाडौं उपत्यकामा ‘पशु वधशाला र मासु जाँच ऐन, २०५५’ को औपचारिक कार्यान्वयन सुरु गरेको छ...

समावेशिता र संघीयताले प्रजातन्त्रलाई बलियो बनाएको छ : गगन थापा
समावेशिता र संघीयताले प्रजातन्त्रलाई बलियो बनाएको छ : गगन थापा
  • २०७७ आश्विन ५, १५: ४०

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०७७ आश्विन ५, १५: ४०

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....