दुई महाधिवेशन रोक्दै कांग्रेसमा समझदारी खोज्न शेखर कोइरालाको आग्रह – Naya Bikalpa
November 16, 2026, Monday      Epaper

दुई महाधिवेशन रोक्दै कांग्रेसमा समझदारी खोज्न शेखर कोइरालाको आग्रह

काठमाडौं । नेपाली कांग्रेसका नेता डा. शेखर कोइरालाले पार्टीभित्र देखिएको विवाद समाधानका लागि संस्थापन र इतर पक्षले अघि बढाउन लागेका दुवै महाधिवेशन रोक्दै समझदारीको बाटो रोज्न आग्रह गरेका छन् ।

बिहीबार जारी गरेको प्रेस विज्ञप्तिमा कोइरालाले कांग्रेसको आन्तरिक विभाजनका कारण आसन्न दुई महाधिवेशनले नेपालको राष्ट्रियता र लोकतान्त्रिक आन्दोलनमा समेत आघात पुग्न सक्ने बताएका छन् ।

उनले पार्टीभित्रको विवाद अन्त्य गर्न मध्यमार्गी र विवेकपूर्ण समझदारीको बाटो खोज्नुपर्नेमा जोड दिएका छन् । ‘एउटा मध्यमार्गी र विवेकपूर्ण समझदारीको बाटो खोजौं,’ उनले भनेका छन् ।

कोइरालाले आफूले विगतमा पनि पार्टी एकताका लागि यस्तै प्रयास गरेको र अहिले पनि सोही दिशामा सक्रिय रहने बताएका छन् । उनका अनुसार मध्यमार्ग कठिन भए पनि आफूले त्यसलाई सत्य र कांग्रेसको मूल जीवनदर्शनसँग जोडेर हेरेका छन् ।

‘मलाई थाहा छ, मध्यमार्ग कठिन मार्ग हो । मलाई यो पनि थाहा छ, यही मार्ग सत्यको बाटो हो । यही मार्ग कांग्रेसको मार्ग हो र यही मार्ग कांग्रेसको जीवन दर्शन हो,’ उनले भनेका छन् ।

पार्टीभित्र आफू आरोपित भइरहेको उल्लेख गर्दै कोइरालाले कांग्रेस र देशको लोकतन्त्र सफल भएको हेर्न चाहने आफू एक राजनीतिक कार्यकर्ता रहेको बताएका छन् ।

उनले कांग्रेसभित्रको विभाजनलाई अन्त्य गर्दै सहमति, सहकार्य र एकताको वातावरण निर्माण गर्नुपर्नेमा जोड दिएका छन् ।

सम्बन्धित समाचार

समावेशिता र संघीयताले प्रजातन्त्रलाई बलियो बनाएको छ : गगन थापा
समावेशिता र संघीयताले प्रजातन्त्रलाई बलियो बनाएको छ : गगन थापा
  • २०८३ आश्विन १, १५: २२

वीरगञ्ज । नेपाली कांग्रेसका सभापति गगनकुमार थापाले मुलुक समावेशिता र संघीयताको अभ्यासमा गएपछि प्रजातन्त्र थप बलियो बनेको बताएका छन् ।...

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०८३ आश्विन १, १५: २२

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
  • २०८३ आश्विन १, १५: २२

काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...