रात्रिकालीन सार्वजनिक यातायात विस्तार गर्नुपर्छ : सुनिता डंगोल – Naya Bikalpa
November 16, 2026, Monday      Epaper

रात्रिकालीन सार्वजनिक यातायात विस्तार गर्नुपर्छ : सुनिता डंगोल

काठमाडौं । काठमाडौं महानगरपालिकाकी कार्यवाहक प्रमुख सुनिता डंगोलले सार्वजनिक यातायातको सेवा रातिको समयमा समेत विस्तार गर्नुपर्ने बताएकी छन्।

ललितपुरमा आयोजित काठमाडौं उपत्यका रात्रिकालीन बस सेवा विस्तारसम्बन्धी कार्यक्रममा बोल्दै डंगोलले स्थानीय सरकारको महत्वपूर्ण दायित्वमध्ये यातायात सेवाको विस्तार पनि रहेको बताइन्। उनले रात्रिकालीन बस सेवा विस्तारसँगै काठमाडौं उपत्यका रातिसमेत चलायमान बन्ने धारणा राखिन्।

“स्थानीय सरकारको मूल दायित्वमध्ये एउटा महत्वपूर्ण दायित्व स्थानीय यातायातको विस्तार गर्नु हो। त्यो दिउँसो मात्रै होइन, अब राति पनि हाम्रा यातायात चल्छन्,” उनले भनिन्, “काठमाडौं उपत्यका दिउँसो मात्र चलायमान छैन, अब राति पनि चलायमान हुन्छ।”

डंगोलका अनुसार वैशाख १ गतेदेखि परीक्षणका रूपमा बूढानीलकण्ठ–ललितपुरको लगनखेल र विमानस्थल–चन्द्रागिरि रुटमा रात्रिकालीन बस सेवा सञ्चालन गरिएको थियो। उक्त सेवा सञ्चालन भएको पहिलो ९० दिनमै ६७ हजार यात्रुले सेवा लिएको उनले जानकारी दिइन्।

उनले सार्वजनिक यातायातलाई केवल आवतजावतको साधनका रूपमा मात्र नभई अवसर र पहुँच विस्तार गर्ने माध्यमका रूपमा समेत बुझ्नुपर्ने बताइन्।

उनका अनुसार रात्रिकालीन सार्वजनिक यातायात विस्तारले रातको समयमा काम गर्ने, अध्ययन गर्ने तथा विभिन्न पेशा–व्यवसायमा संलग्न नागरिकलाई आवतजावतमा सहजता पुग्नेछ।

सम्बन्धित समाचार

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०८३ आश्विन ४, ११: ३५

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०८३ आश्विन ४, ११: ३५

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८३ आश्विन ४, ११: ३५

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...