कृष्णभिर र ज्यामिरेमा पहिरो खसेपछि पृथ्वी राजमार्ग एकतर्फी

काठमाडौं : पृथ्वी राजमार्ग अन्तर्गत धादिङको कृष्णभिर नजिकै लेदोसहितको पहिरो खसेपछि सवारी आवागमन प्रभावित भएको छ।

जिल्ला प्रहरी कार्यालय धादिङका अनुसार शुक्रबार बिहान करिब साढे ५ बजे बेनीघाट रोराङ गाउँपालिका-७ स्थित कृष्णभिरभन्दा १०० मिटर अगाडि लेदोसहितको पहिरो खस्दा राजमार्ग एकतर्फी मात्र सञ्चालन भइरहेको छ। सोही गाउँपालिकाको वडा नं. ९ ज्यामिरे क्षेत्रमा पनि पहिरो खसेको प्रहरीले जनाएको छ।

लगातार परिरहेको पानीका कारण सडकमा थुप्रिएको लेदो पन्छाउन समस्या भइरहेको छ।

गत भदौ १० र १४ गते आएको बाढीका कारण कृष्णभिरमा सडक कटान हुँदा पृथ्वी राजमार्ग १८ दिनसम्म पूर्ण रूपमा अवरुद्ध भएको थियो। पछि नयाँ ट्र्याक निर्माण गरी असोज १ गतेदेखि सडक सञ्चालनमा ल्याइएको भए पनि निरन्तरको वर्षा र पहिरोले पुनः यातायात सेवा जोखिमपूर्ण बनेको छ।

सम्बन्धित समाचार

प्रमुख नदीमा जलसतह बढ्ने पूर्वानुमान

• २०८३ आश्विन ८, ०७: ५०

काठमाडौं : आजदेखि आगामी पाँच दिनसम्म मुलुकको प्रमुख नदीमा जलसतह बढ्ने पूर्वानुमान गरिएको छ । जल तथा ऊर्जा आयोगको सचिवालयअन्तर्गतको...

सुनचाँदीको मूल्य घट्यो, आज कतिमा हुँदैछ कारोबार ?

• २०८३ आश्विन ८, ०७: ५०

काठमाडौं : नेपाली बजारमा आज सुनचाँदीको मूल्य घटेको छ । आज सुन तोलामा ३ हजार २ सय रुपैयाँले घटेर तोलामा...

प्रधानमन्त्री राहत कोषमा १५ अर्ब नाघ्यो

• २०८३ आश्विन ८, ०७: ५०

काठमाडौं : रसुवाको भोटेकोशी नदीमा आएको बाढी प्रभावितका लागि आर्थिक सहयोग जुट्नेक्रम जारी छ । हालसम्म प्रधानमन्त्री दैवी प्रकोप उद्धार...