एसियाली खेलकुद : महिला कबड्डीमा नेपाल सेमिफाइनलमा, कम्तीमा कास्य पदक पक्का – Naya Bikalpa
November 16, 2026, Monday      Epaper

एसियाली खेलकुद : महिला कबड्डीमा नेपाल सेमिफाइनलमा, कम्तीमा कास्य पदक पक्का

काठमाडौं : नेपालले श्रीलंकामाथि प्रभावशाली जित दर्ता गर्दै जापानको नागोयामा जारी २०औं एसियाली खेलकुदअन्तर्गत महिला कबड्डीको सेमिफाइनलमा स्थान सुरक्षित गरेको छ । यो जितसँगै नेपालले कम्तीमा कास्य पदक सुनिश्चित गरेको हो ।

समूह चरणको अन्तिम खेलमा नेपालले श्रीलंकालाई ३४–२५ ले पराजित गर्दै अन्तिम चारमा प्रवेश गरेको हो । तोकाइ सिटिजन व्यायामशालामा भएको खेलमा नेपाल सुरुदेखि नै लयमा देखिएको थियो । पहिलो हाफमा १९–१३ को अग्रता बनाएको नेपालले दोस्रो हाफमा पनि १५–१२ ले बाजी मार्दै सहज जित निकाल्यो ।

यसअघि नेपालले थाइल्यान्डलाई पराजित गरेको थियो भने चाइनिज ताइपेइसँग हार व्यहोरेको थियो । समूह ‘बी’बाट नेपाल र चाइनिज ताइपेइ सेमिफाइनलमा पुगेका हुन् ।

सेमिफाइनलमा पुगेसँगै नेपालले कम्तीमा कास्य पदक पक्का गरेको छ । अब फाइनल प्रवेशका लागि नेपालले शुक्रबार प्रतिस्पर्धा गर्नेछ ।

यसअघि १९औं एसियाली खेलकुदमा पनि नेपाली महिला कबड्डी टोलीले कास्य पदक जितेको थियो । यसपटक त्यस उपलब्धिलाई सुधार गर्ने लक्ष्यमा टोली अघि बढेको छ ।

सम्बन्धित समाचार

उदाउँदो सूर्यलाई अर्घ दिँदै छठ पर्व सम्पन्न
उदाउँदो सूर्यलाई अर्घ दिँदै छठ पर्व सम्पन्न
  • २०८३ आश्विन ८, १५: ०४

काठमाडौँ । उदाउँदो सूर्यलाई अर्घ अर्पण गर्दै चार दिनसम्म श्रद्धा र भक्तिपूर्वक मनाइने छठ पर्व आज सम्पन्न हुँदैछ । पर्वको...

एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
एनपीएल इतिहासकै उच्च लक्ष्य, पोखराले काठमाडौंलाई दियो २२५ रनको चुनौती
  • २०८३ आश्विन ८, १५: ०४

काठमाडौं । राजधानीमा जारी तेस्रो संस्करणको नेपाल प्रिमियर लिग (एनपीएल) क्रिकेटअन्तर्गत आजको दोस्रो खेलमा पोखरा एभेन्जर्सले काठमाडौं गोर्खाजलाई २२५ रनको...

अस्ताउँदो सूर्यलाई दिइयो अर्घ्य
अस्ताउँदो सूर्यलाई दिइयो अर्घ्य
  • २०८३ आश्विन ८, १५: ०४

काठमाडौं : सूर्य उपासना तथा आराधनाको पर्व छठ आज देशभर श्रद्धा, भक्ति र उत्साहका साथ मनाइएको छ । छठ पर्वको...