जबराको पक्राउप्रति एमाले सचेतक महरको आपत्ति, भने– ‘विना कसुर र अभियोग पक्राउ गरियो’ – Naya Bikalpa
November 16, 2026, Monday      Epaper

जबराको पक्राउप्रति एमाले सचेतक महरको आपत्ति, भने– ‘विना कसुर र अभियोग पक्राउ गरियो’

काठमाडौं । नेकपा एमालेका सचेतक ऐन महरले पूर्वप्रधानन्यायाधीश चोलेन्द्रशमशेर जबरालाई सरकारले विना कसुर र विना अभियोग पक्राउ गरेको भन्दै आपत्ति जनाएका छन् ।

प्रतिनिधिसभाको बैठकमा बोल्दै महरले लोकतान्त्रिक व्यवस्थामा कोही पनि कानुनभन्दा माथि नहुने उल्लेख गर्दै कसैले कानुन उल्लङ्घन गरेको भए तथ्य र प्रमाणका आधारमा अभियोग लगाएर कानुनी दायरामा ल्याउनुपर्ने बताए ।

सरकारले पूर्वाग्रह, प्रतिशोध वा विरोध गरेको आधारमा व्यक्तिलाई तर्साउने, धम्काउने र पक्राउ गर्ने काम गरिरहेको आरोप लगाउँदै उनले यस्तो प्रवृत्ति कानुनी राज्य र विधिको शासनको बर्खिलाप भएको बताए ।

उनले भने, ‘सरकारले पूर्वाग्रह, प्रतिशोध तथा विरोध गरेका आधारमा व्यक्तिहरूलाई तर्साउने, धम्काउने र पक्राउ गर्ने काम गरिरहेको छ। यस्तो कार्य कानुनी राज्य र विधिको शासनको बर्खिलाप छ।’

महरले सरकार गठन भएयता यस्ता गतिविधि शृङ्खलाबद्ध रूपमा भइरहेको आरोप लगाए । उनले पूर्वप्रधानमन्त्री केपी शर्मा ओली र एमाले उपाध्यक्ष विष्णु पौडेललाई पक्राउ गरिएको घटनाको समेत स्मरण गरे ।

खतरा रहेको भनिएका व्यक्तिलाई सुरक्षा दिनुको सट्टा पूर्वप्रधानन्यायाधीश जबरालाई पक्राउ गरिएको भन्दै उनले सरकारको कदमप्रति आपत्ति जनाए ।

जबराको पक्राउलाई लिएर उनले सरकारको कार्यशैलीलाई ‘राज्य आतंक, गुन्डागर्दी, निरंकुशता र स्वेच्छाचारिता’को नमुनाका रूपमा चित्रण गर्दै त्यस्ता गतिविधिको भत्र्सना गरे ।

सम्बन्धित समाचार

स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
स्थानीय निर्वाचनबारे छलफल गर्न मंसिर ४ गते दलहरूलाई बोलायो आयोगले
  • २०८३ आश्विन १२, १५: ५३

काठमाडौँ । निर्वाचन आयोगले आगामी स्थानीय तहको निर्वाचनबारे राजनीतिक दलहरूसँग परामर्श प्रक्रिया अघि बढाएको छ । आयोगले यस विषयमा छलफल...

दुर्घटनामा परिवारका ६ सदस्य गुमाएका यादवलाई गगन थापाको सान्त्वना
दुर्घटनामा परिवारका ६ सदस्य गुमाएका यादवलाई गगन थापाको सान्त्वना
  • २०८३ आश्विन १२, १५: ५३

सर्लाही । नेपाली कांग्रेसका सभापति गगनकुमार थापा आफ्नो निर्वाचन क्षेत्र सर्लाही–४ अन्तर्गत धनकौलस्थित छठ घाटमा पुगेर छठ पर्वमा सहभागी भएका...

क्षति पुगेको खुलामञ्चको स्वरूप फर्काउँदै कांग्रेस
क्षति पुगेको खुलामञ्चको स्वरूप फर्काउँदै कांग्रेस
  • २०८३ आश्विन १२, १५: ५३

काठमाडौं : नेपाली कांग्रेसको १५औँ महाधिवेशनका क्रममा क्षति पुगेको काठमाडौँको ऐतिहासिक टुँडिखेलस्थित खुलामञ्चको हरियाली र सौन्दर्य फर्काउन कांग्रेस आफैँ अग्रसर...