परराष्ट्र मन्त्रालयका सहसचिव भरत राज पौड्याल सचिवमा बढुवा

नयाँ विकल्प
प्रकाशित मिती: २०७७ आश्विन २३, १३: २७

नयाँ विकल्प,

काठमाडौं – परराष्ट्र मन्त्रालयको सचिवमा सोही मन्त्रालयका सहसचिव तथा प्रवक्ता भरतराज पौड्याल बढुवा भएका छन् । परराष्ट्र सेवतर्फका बरिष्ठ सहसचिव पौड्याललाई सचिवमा बढुवा गरी परराष्ट्र मन्त्रालयको सचिवमा पदस्थापन गरिएको छ ।

परराष्ट्र सचिव शंकरदार बैरागीलाई सरकारले गत असोज १५ गते बढुवा गरी निजामति सेवाको सर्वोच्च पद मुख्य सचिवमा बढुवा भएपछि परराष्ट्रमा सचिव पद रिक्त थियो । परराष्ट्र मन्त्रालयमा पौड्यालको सचिवमा बढुवा भएपछि अब कालिप्रसाद पोखरेल मात्र सहसचिव छन् ।

मन्त्रिपरिषदको विहीबारको बैठकले पौड्याललाई सचिवमा वढुवा गरेपछि शुक्रबार उनले मन्त्रालयमा पदभार ग्रहण गरेका हुन् ।

सचिव बैरागीलाई मुख्यसचिव बनाउने निर्णयपछि परराष्ट्रका निमित्त सचिवको भूमिकामा पौड्याल थिए ।

पाकिस्तानका लागि पूर्वराजदूतसमेत रहेका पौडेल निमित्त सचिव हुनुअघिसम्म परराष्ट्र प्रवक्ता थिए । परराष्ट्रमा अब एक सहसचिवको दरवन्दी रिक्त भएको छ । त्यसका लागि एक दर्जनबढी उपसचिवको दौड शुरु भइसकेको छ ।