पत्रकार महासंघ युकेको नयाँ कार्यसमितिको घोषणासहित प्रतिवद्धता – Naya Bikalpa
November 16, 2026, Monday      Epaper

पत्रकार महासंघ युकेको नयाँ कार्यसमितिको घोषणासहित प्रतिवद्धता


नयाँ बिकल्प,

लण्डन। नेपाल पत्रकार महासंघ बेलायत (एफएनजे युके) शाखाको पाचौँ अधिवेसनबाट नवनिर्वाचित कार्यसमितिलाई शुभकामना तथा घोषणासभा आइतबार भर्चुअल रुपमा सम्पन्न भएको छ।

एफएनजे युकेका नव निर्वाचित अध्यक्ष बिपिन निरौलाको अध्यक्षतामा सम्पन्न कार्यक्रममा सन् २०२१ देखि २०२४ सम्म ३ बर्षे कार्यकालका लागि विभिन्न प्रतिबद्धता ब्यक्त गरिएको छ।

महासंघ केन्द्रीय समितिका अध्यक्ष विपुल पोखरेलको प्रमुख आतिथ्यतामा भएको सो कार्यक्रममा महासंघकै पूर्वकेन्द्रिय अध्यक्षद्वय तारानाथ दाहाल र धर्मेन्द्र झाले नवनिर्वाचित कार्यसमितिलाई बधाई तथा शुभकामना ब्यक्त गरे।

सूचना आयोगका पूर्वआयुक्त किरण पोखरेल, नेपाल प्रेस युनियनका बरिष्ठ उपाध्यक्ष दिपक आचार्य, पूर्वउपाध्यक्ष दामोदरप्रसाद दवाडी, महासचिब अजयबाबु शिवाकोटी महासंघ युरोप शाखाकी अध्यक्ष सरस्वती कार्की, बरिष्ठ उपाध्यक्ष महेश खातीले शुभकामना ब्यक्त गरेका थिए।

महासंघ युकेको पाँचौ अधिवेशनका लागि केन्द्रिय प्रतिनिधि भगीरथ योगीले कार्यक्रम अघि नै शुभकामना ब्यक्त गरेका थिए। भर्चुअल बैठकमा महासंघ केन्द्रिय सदस्यहरु रमेश खतिवडा, सरिता तिम्सिना पंगेनी र ललिता शाह, लेखा समिति सदस्य देवी सापकोटा र बागमती प्रदेश अध्यक्ष शिव देवकोटाको उपस्थिति थियो।

वक्ताहरुले महासंघको बिधान बमोजिम निरौलाको कार्यसमितिलाई केन्द्रले मान्यता दिने विश्वास व्यक्त गरे। महासंघका पूर्वकेन्द्रिय संगठन बिभाग सदस्य ओम शर्माले नवनिर्वाचित कार्यसमितिको नामावली पढेर सुनाएका थिए।

महासंघ युके निवर्तमान वरिष्ठ उपाध्यक्ष श्याम लुईटेलले गत आइतबार सम्पन पोस्टल भोटिंगमा भएको धाँधलीबारे प्रस्ट पारेका थिए।
नेपाली जनसम्पर्क समिति युकेका कार्यवाहक अध्यक्ष महेश दाहाल, एमाले निकट प्रवासी नेपाली मञ्च युकेका अध्यक्ष राजेन्द्र पुडासैनी तथा प्रवासी नेपाली एकता मञ्च युकेका महासचिव सरेशजंग शाह, माओबादी निकट जनप्रगतिशील मञ्च युकेका अध्यक्ष सुरेश गौतमले शुभकामना ब्यक्त गरेका थिए।

सामाजिक अभियन्ता शेर सुनार,नेपाल मगर संघका महासचिब रुद्र थापा नेपाल आदिवासी जनजाती महासंघ युकेका नवनिर्वाचित अध्यक्ष कर्मा पहाडी शेर्पाले शुभकामना एबम् धन्यबाद ब्यक्त गरेका थिए।

महासंघका नवनिर्वाचित उपाध्यक्ष एभरेस्ट गौतमले स्वागत मन्तब्य ब्यक्त गरेका थिए भने कार्यसमितिका सदस्य खुशी लिम्बुले संवोधन गरेकी थिइन्। कार्यसमितिका अन्य नवनिर्वाचित महिला उपाध्यक्षमा बिमला लिम्बु, सचिब सिर्जना निङ्लेकु, कोषाध्यक्ष मनी सुबेदी र सदस्यहरु मन्दिप केसी तथा जिबन गाउँले रहेका छन्।

लुइँटेल र डा. कार्की सल्लाहकार मनोनयन

यसैबीच महासंघ युकेका अध्यक्ष निरौलाको अध्यक्षतामा बसेको कार्यसमितिको पहिलो बैठकले विभिन्न प्रतिबध्दता र निणर्यहरु गर्दै शाखाको सल्लाहकारमा निबर्तमान बरिष्ठ उपाध्यक्ष श्याम लुईटेल र निबर्तमान सचिब डा. जगन कार्कीलाइ मनोनयन गरेको छ।

सल्लाहकार र कार्यसमिति सदस्यहरुको मनोनयन चाडै गरिने भन्दै निरौलाले अधिबेशन र कार्यक्रम सम्पन्न गर्न सहयोग गर्ने सबै संघ-संस्था तथा सहयोगीहरुलाई धन्यबाद ब्यक्त गरे। समितिमा छुटेका सक्रिय पत्रकारहरुलाई नयाँ सदस्यता दिलाउनको लागि केन्द्रमा पठाउने निणर्य समेत गरेको छ।

अध्यक्ष निरौलाले पत्रकारहरुलाई कृयाशिल बनाउन र बृत्तिविकास गर्न तालिमको व्यवस्था गरिने, महासंघ काठमाडौसँग ज्ञान र अनुभव साटासाट गर्ने तथा बेलायतमा पत्रकारितामा गरिएका अनुभवलाई साट्ने व्यवस्था मिलाइने छ।

अध्यक्ष निरौलाले कोभिड १९ बाट पत्रकारहरु कसरी जोगिएर काम गर्ने बारेमा गोष्ठी र अन्तरक्रिया गरिने, नयाँ पुस्ताका नेपाली पत्रकारसँग जोडन निश्चित पदमा कोटाको व्यवस्था गरिने र ति पदहरुमा निर्वाचन नगरिने स्पस्ट पारे।

विदेशस्थित शाखाहरुसँग सहकार्यलाई जारी राखि सहयोग आदान प्रदान तथा जनचेतनामुलुक कार्यहरु अघि बढाइने, बेलायतमा खोजमुलक पत्रकारिता गर्ने एक जनालाई बर्षमा ५ सय पाउण्ड पुरस्कृत गर्ने गरि पत्रकारिता पुरस्कार स्थापना गरिने अध्यक्ष निरौलाले घोषणा गरे।

शाखाले प्रेस युनियन, प्रेस चौतारी , प्रेस सेन्टर र फ़ोनिजका सदस्यहरुलाई समेत फाइदा हुने गरि सित्तैमा अनलाईन तालिमको व्यवस्था गरिने जनाएको छ।

सम्बन्धित समाचार

बझाङमा अटो दुर्घटना : मृत्यु हुनेको संख्या चार पुग्यो
बझाङमा अटो दुर्घटना : मृत्यु हुनेको संख्या चार पुग्यो
  • २०७८ असार ७, १३: ३८

बझाङ । बुङ्गल नगरपालिका–१० टुमेडामा अटो दुर्घटना हुँदा मृत्यु हुनेको संख्या चार पुगेको छ । सोमबार बिहान टुमेडाबाट वडा नं....

हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
हाम्रा सडक र वाहन यात्रुका अकालमा ज्यान लिने एम्बुस किन बन्दैछन् ?
  • २०७८ असार ७, १३: ३८

  १.प्रमुख चाडबाडको मौसम गयो नेपालीहरुको सबैभन्दा ठुलो मानिएको चाड दसैँ हो । त्यो पनि गयो ।अर्को चाड तिहार हो...

भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
भारत, चीन र इजरायलका लागि नवनियुक्त राजदूतले लिए पद तथा गोपनीयताको शपथ
  • २०७८ असार ७, १३: ३८

काठमाडौं । राष्ट्रपति रामचन्द्र पौडेलसमक्ष तीन देशका लागि नवनियुक्त नेपाली राजदूतहरूले पद तथा गोपनीयताको शपथ लिएका छन्। राष्ट्रपति भवन शीतल...