कोरोना ३ हजार ६११ संक्रमित थपिए, २७ जनाको मृत्यु -कुन जिल्लामा कति संक्रमित? – Naya Bikalpa
November 19, 2026, Thursday      Epaper

कोरोना ३ हजार ६११ संक्रमित थपिए, २७ जनाको मृत्यु -कुन जिल्लामा कति संक्रमित?

नयाँ बिकल्प,

काठमाडौं –नेपालका पछिल्लो २४ घण्टामा ३ हजार ६११ जना कोरोना भाइरसका नयाँ संक्रमित थपिएका छन् भने कोरोना संक्रमणबाट २७ जनाको मृत्यु भएको छ। पछिल्लो २४ घण्टामा १ हजार ८१६ जना संक्रमित मात्र निको भएका छन्।

नेपालमा कोरोना संक्रमित शुक्रबारको विवरणलाई जोड्दा कुल संख्या ६ लाख ९३ हजार १०९ पुगेको छ। तीमध्ये ९ हजार ८३४ जनाको मृत्यु भएको छ भने ६ लाख ५२ हजार २६१ जना संक्रमणमुक्त भएका छन्।

पछिल्लो २४ घण्टामा ९ हजार ७८३ जनाको पीसीआर परीक्षण गर्दा २ हजार ४६७ जना र ४ हजार ८७८ एन्टिजेन परीक्षण गर्दा १ हजार १४४ गरी ३ हजार ६११ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ।

हाल देशभर कूल सक्रिय संक्रमितको संख्या ३१ हजार १४ पुगेको छ। त्यसमध्ये २७ हजार ८२० जना होम आइसोलेसनमा र ३ हजार १९४ जना संस्थागत आइसोलेसनमा छन्। कोरोनाका बिरामीमध्ये ६८६जना आईसीयू र १६१ जना भेन्टिलेटरमा उपचाररत् रहेको मन्त्रालयले जनाएको छ।
१० वर्षमुनिका ७६ बालबालिकामा कोरोना संक्रमण देखिएको छ भने ११ देखि २० वर्ष उमेर समूहका २०६ जना कोरोना संक्रमित थपिएका छन्।

कुन जिल्लामा कति संक्रमित थपिए ?

सबैभन्दा धेरै काठमाडौंमा ५५६, कास्कीमा ३३३, झापामा २३६, ललितपुरमा १८७, सुनसरीमा १७० जना र मकवानपुरमा १०४ जनामा कोरोना संक्रमण पुष्टि भएको छ।


चितवनमा ८२, भक्तपुरमा ७६, सुर्खेतमा ७१, नवलपरासी पुर्वमा ५८, रुपन्देहीमा ५७, मोरङमा ४२, गोरखामा ४०, नुवाकोटमा ३३, स्याङ्जामा २६, पाल्पा र कैलालीमा २४–२४ जना, काभ्रेपलाञ्चोकमा २२, महोत्तरी र तनहुँमा १९–१९ जना, धनकुटामा १७, अर्घाखाँची र जुम्लामा १६–१६ जना, धादिङमा १४, रौतहट र बाँकेमा १३–१३ जना, नवलपरासी पश्चिममा १२, इलाम र रामेछापमा ११–११ जना तथा म्याग्दी, लमजुङ, गुल्मी र दाङमा १०–१० जनामा कोरोना संक्रमण पुष्टि भएको छ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ श्रावण १५, १७: ५९

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ श्रावण १५, १७: ५९

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७८ श्रावण १५, १७: ५९

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...