अफगानिस्तानबाट फर्किएका नेपालीलाई पोलियो थोपा अनिवार्य खानुपर्ने – Naya Bikalpa
November 19, 2026, Thursday      Epaper

अफगानिस्तानबाट फर्किएका नेपालीलाई पोलियो थोपा अनिवार्य खानुपर्ने

नयाँ विकल्प,

काठमाडौं – सरकारले अफगानिस्तातबाट स्वदेश फर्किएका नेपालीलाई पोलियो थोपा खुवाउन सुरु गरेको छ ।

सरकारले अफगानिस्तानबाट फर्किने सबै उमेर समूहका लागि पोलियो थोपा खुवाउन सुरु गरेको हो ।

पोलियोको उच्च जोखिम भएको देशमध्ये अफगानिस्तान पनि पर्ने भएकाले त्यहाँबाट फर्किएका नेपालीलाई पोलियो थोपा खुवाउन लागिएको स्वास्थ्य सेवा विभाग अन्तर्गतको बाल स्वास्थ्य तथा खोप सेवा शाखाका प्रमुख डा.झलक शर्मा गौतमले जानकारी दिए ।

उनका अनुसार सोमबार अफगानिस्तानबाट उद्धार गरेर ल्याइएका १५० जना नेपालीलाई त्रिभुवन अन्तराष्ट्रिय विमानस्थलमा पोलियो थोपा खुवाइएको छ

विश्व स्वास्थ्य संगठन अन्तर्गतको आइएचआर इन्टरनेशनल हेल्थ रेगुलेसनको सिफारिसपछि अफगानिस्तातबाट फर्किएका नेपालीलाई पोलियो थोपा खुवाउन लागिएको उनको भनाइ छ ।

यसभन्दा अघि स्वदेश फिर्ता भएका नेपालीलाई पायक पर्ने खोप केन्द्रमा पुगेर पोलियो थोपा खुवाउने व्यवस्था मिलाएको डा. गौतमले जानकारी दिए ।

अफगानिस्तानबाट हालसम्म ५ सय ४ जना नागरिक स्वदेश फर्किसकेका छन् ।

यस्तै अफगानिस्तानबाट स्वदेश फिर्ता भएकालाई कोरोनाविरुद्धको खोप पनि अनिवार्य गरिएको छ ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ भाद्र ७, २०: १७

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ भाद्र ७, २०: १७

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७८ भाद्र ७, २०: १७

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...