कोरोनाबाट थप ४४ को मृत्यु, संक्रमण काठमाडौंपछि झापामा धेरै फैलियो – Naya Bikalpa
November 19, 2026, Thursday      Epaper

कोरोनाबाट थप ४४ को मृत्यु, संक्रमण काठमाडौंपछि झापामा धेरै फैलियो


नयाँ बिकल्प ।


काठमाडौं । नेपालमा कोरोना संक्रमणबाट थप ४४ जनाको मृत्यु भएको छ। योसँगै नेपालमा कोरोना संक्रमणबाट मृत्यु हुने नेपालीको सख्या १० हजार ६१२ पुगेको स्वास्थ्य तथा जनसंङ्ख्या मन्त्रालयले जनाएको छ।

मन्त्रालयले बुधबार सार्वजनिक गरेको तथ्याङ्क अनुसार नेपालमा १,७८१ जना पछिल्लो २४ घण्टामा संक्रमणमुक्त भएका छन्। योसहित ७ लाख ३ हजार ९६४ जना संक्रमणमुक्त भएका छन्।

बुधबार मात्र नेपालमा कोरोनाका २ हजार ४ सय ८२ जना संक्रमित थपिएका छन्। योसँगै नेपालमा कोरोना संक्रमितको कुल संख्या ७ लाख ५२ हजार ८६३ पुगेको छ।

हाल देशभर सक्रिय संक्रमितको संख्या ३८ हजार २८७ पुगेको छ। जसमध्ये ३५ हजार २५० जना होम आइसोलेसनमा छन् तीन हजार ३७ जना संस्थागत आइसोलेसनमा छन्।

कोरोनाका बिरामीमध्ये ६१० आईसीयू र १६१ जना भेन्टिलेटरमा उपचाररत रहेको मन्त्रालयले जनाएको छ।
१० वर्ष मुनिका २० बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका १ सय ६० जना कोरोना संक्रमित थपिएका छन्।

संक्रमित सबैभन्दा धेरै काठमाडौं र झापामा

स्वास्थ्य तथा जनसंख्या मन्त्रालयका अनुसार सबैभन्दा धेरै काठमाडौंमा ५१५, झापामा १७९, भक्तपुरमा १४२, कास्कीमा १३१, चितवनमा १०८ र सुनसरीमा १०५ जनामा कोरोनाका संक्रमित थपिएका छन्।

यस्तै ललितपुरमा ८८, बागलुङमा ४८, रुपन्देहीमा ३९, नवलपरासी पूर्वमा ३२, मकवानपुरमा ३०, काभ्रेपलाञ्चोकमा २९ र नुवाकोटमा २७ जनामा कोरोना संक्रमण देखिएको छ ।

दोलखा र गुल्मीमा १७–१७ जना, सुर्खेतमा १६, धनकुटा र धादिङमा १३–१३ जना, तनहुँ र दैलेखमा १२–१२ जना तथा पाल्पा र कञ्चनपुरमा १०–१० जनामा कोरोना संक्रमण पुष्टि भएको मन्त्रालयले जनाएको छ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ भाद्र ९, १८: ००

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ भाद्र ९, १८: ००

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७८ भाद्र ९, १८: ००

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...