निर्माणाधीन आयोजनामा स्वदेशी पुँजी लगानीः कुलमान घिसिङ – Naya Bikalpa
November 19, 2026, Thursday      Epaper

निर्माणाधीन आयोजनामा स्वदेशी पुँजी लगानीः कुलमान घिसिङ

काठमाडौं । नेपाल विद्युत् प्राकिरणमा रहेका सहायक कम्पनीले आफ्ना निर्माणाधीन आयोजनाहरुमा १ खर्बको स्वदेशी पुँजी जुटाउने भएका छन् । करिब ७ सय २६ मेगावाटका परियोजनाहरुमा स्वदेशबाटै १ खर्बको पुँजी सुनिश्चित भएर आयोजनाहरु धमाधम बनिरहेका छन् ।

प्राधिकरणका स्टिमर कम्पनीहरुले बनाइरहेका आयोजनामा सर्वसाधारणको सेयर मात्रै १८ अर्ब रुपैयाँको हुनेछ । बाँकी स्रोत भने आन्तरिक रुपमा व्यवस्था गरिएको छ ।

प्राधिकरणका कार्यकारी निर्देशक कुलमान घिसिङका अनुसार तामाकोसीमा मात्रै सर्वसाधारणले १० अर्ब लगानी गर्दैछन् भने चिलिम अन्तरगतका ४ आयोजनामा ८ अर्ब बराबरको लगानी सर्वसाधारणले सेयरमार्फत नै गर्नेछन् ।

‘निर्देशकका अनुसार, हामी यी निर्माणधीन सबै आयोजनाको सेयर वितरणलाई तीव्र बनाइरहेका छौं, यसै वर्ष सबै सेयर बाँड्न सकिने बताए । एक खर्बको स्वदेशी लगानीमा बन्ने आयोजनाहरुले अर्को १ हजार मेगावाटको परियोजना बनाउने बताए ।

२० मेगावाटको चिलिमले २७० मेगावाटको अरु आयोजना बन्ने आधार बनाएको र अब तामाकोसी बनेपछि स्वदेशी पुँजीबाट बन्ने आयोजनाको प्रवर्द्धन अझै सहज हुने बताए ।

चिलिमे जलविद्युत कम्पनी लिमिटेडले हाल १११ मेगावाटको रसुवागढी जलविद्युत आयोजना, १०२ मेगावाटको मध्य भोटेकोशी जलविद्युत आयोजना, १४। ८ मेगावाटको माथिल्लो साञ्जेन, ४२.५ मेगावाटको तल्लो साञ्जेन जलविद्युत् आयोजना बनाउँदैछ । ४ सय ५६ मेगावाटको माथिल्लो तामाकोसी जलविद्युत आयोजना पनि प्राधिकरणकै अन्तरगत सहायक कम्पनीले बनाउँदैछ ।

यी आयोजनामा कर्मचारी सञ्चय कोष, नागरिक लगानी कोष, राष्ट्रिय बीमा संस्थान, सर्वसाधारण, आयोजना क्षेत्रका प्रभावित स्थानीयको लगानी छ । अब यस्ता आयोजनाहरु स्वदेशी पुँजी जुटाएर बनाउन सकिनेमा सरकार विश्वस्त भएकाले ऊर्जामन्त्री वर्षमान पुनले ३ हजार मेगावाटको आयोजना जनताकै लगानीमा निर्माण गर्ने घोषणा गरेका छन् । यस्ता आयोजनाहरु छनोट भएर अहिले विकासका चरणमा छन् ।

तामाकोसी ५, अपर अरुण, दूधकोसी लगायतका आयोेजनामा प्राधिकरणले जनताकै लगानी ल्याउनेछ । यि आयोजनाहरुको विस्तृत परियोजना प्रतिवेदन तयार भएर टेण्डरको प्रक्रियामा छन् ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ कार्तिक १५, ०९: ३५

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ कार्तिक १५, ०९: ३५

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ कार्तिक १५, ०९: ३५

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...