महासमिति बैठक सर्न सक्ने – Naya Bikalpa
November 19, 2026, Thursday      Epaper

महासमिति बैठक सर्न सक्ने

कांग्रेस बैठक २० गते

नेपाली कांग्रेसले आगामी मंसिर ५ देखि ९ गतेसम्म हुने महासमिति बैठक सार्ने भएको छ । महाधिवेशनको लागि राजनीतिक प्रतिवेदन, आर्थिक प्रतिवेदन, आर्थिक नीति, विधान संशोधनको मस्यौदा प्रतिवेदन केन्द्रीय कार्य समितिमै पेश नभएको अवस्थामा मंसिर पहिलो साता महासमिति बैठक हुने सम्भावना नरहेको एक पदाधिकारीले वताए । विधान संशोधन मस्यौदा समितिले आफ्नो प्रतिवेदनको मस्यौदा लेखन गरिरहे पनि त्यसले अन्तिम रुप लिएको छैन् ।

समितिले भने केन्द्रीय कार्य समिति बैठक बस्ने मिति निर्धारण भएको अघिल्लो दिन नै प्रतिवेदन तयार गर्ने वताएको छ । १९ कात्तिकदेखि तिहार र २६ गते छठ पर्व भएको भएता पनि कांग्रेसले केन्द्रीय कार्यसमिति बैठक २० गते बस्ने भएको छ ।

२३ गतेसम्म तिहार विदा, २४ गते शनिबार र २५ गते फाल्गुनानन्द दिवसमा १ नं. प्रदेश विदा, २६ गते कार्यलय खुल्ने र फेरि २७ गते छठ पर्व भएको हुँदा २० गते टुंगो लाग्न नसकेका विषयहरु कात्तिकको अन्तिममा बैठक बस्दै गर्दा धेरै विषयहरु टुंगिन समय लाग्ने देखिन्छ । त्यसैले विवादित विषयहरु टुंगो लगाउन समय लाग्ने हुँदा उक्त समयमा गर्न नसक्ने अवस्था आएको हुँदा वाँकी एक सातामा तयारी गर्न सम्भव नभएको ति पदाधिकारीले बताए ।

स्रोतका अनुसार मंसिर तेस्रो सातासम्मको लागि महासमिति बैठक सार्न लागिएको छ । केन्द्रीय कार्य समिति बैठक नै बस्न नसकीरहेको अवस्थामा महासमिति बैठकको आयोजना सम्भव नहुने देखिन्छ । विधान संशोधन मस्यौदा समितिले तयार गरेको प्रतिवेदनमाथि छलफल गर्न केन्द्रीय कार्य समितिलाई १२ देखि १३ दिनसम्म चाहिने सहमहामन्त्री डा. प्रकाशशरण महत बताउँछन् । उनले विधान संशोधनको मस्यौदा केन्द्रीय कार्य समितिले प्राप्त गरेपछि त्यसमाथि सहमति गरेर अनुमोदन गरेपछि मात्र महासमिति बैठकको तयारी गर्न सहज हुने महतले बताए ।

पार्टीले महासमिति बैठकमा पेश गर्ने सबै प्रस्तावहरु केन्द्रीय कार्य समिति बैठकले अनुमोदन गर्नु पर्छ । केन्द्रीय कार्य समितिमा पेश भएका सबै प्रस्ताव सर्बसम्मत नभएमा महासमिति बैठकबाट अनुमोदन हुन कठीन हुन्छ । महासमिति बैठकको दुई तिहाई बहुमतबाट मात्र हरेक प्रस्तावहरु पाारित हुन सक्छन् ।

सम्बन्धित समाचार

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७५ कार्तिक १९, ०८: ५३

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७५ कार्तिक १९, ०८: ५३

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७५ कार्तिक १९, ०८: ५३

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...