शुक्रबार मात्रै देशभर ९६८ जनामा काेराेना संक्रमण – Naya Bikalpa
November 19, 2026, Thursday      Epaper
सचेत रहन मन्त्रालयको आग्रह

शुक्रबार मात्रै देशभर ९६८ जनामा काेराेना संक्रमण

काठमाडौं । पछिल्लो २४ घण्टामा देशभर थप ९६८ जनामा कोरोनाभाइरसको सङ्क्रमण पुष्टि भएको छ । देशका विभिन्न स्वास्थ्यसंस्थाहरुमा कूल १४ हजार ९७१ जनाको नमुना परिक्षणमा पीसीआर विधिबाट ५७२ र एन्टिजेन विधिबाट ३९६ जनामा सङ्क्रमण पुष्टि भएको हो स्वास्थ्य तथा जनसंख्या मन्त्रालयले जनाएको हो ।

मन्त्रालयका अनुसार पछिल्लो २४ घण्टामा कसैको पनि कोरोना भाइरस संक्रमणबाट मृत्यु भएको छैन् । नेपालमा कोरोना भाइरस संक्रमणबाट हालसम्म मृत्यु हुनेको कूल सख्या ११ हजार ६०२ जना रहेको छ ।

शुक्रबार थप २६२ जना कोरोना सङ्क्रमणमुक्त भएसंगै हालसम्म कूल ८ लाख १३ हजार ७०९ जना सङ्क्रमणमुक्त भइसकेका छन् ।

हाल देशभर विभिन्न आइसोलेसन तथा अस्पतालहरुमा ५ हजार ७४१ जना सक्रिय सङ्क्रमित रहेको मन्त्रालयले जनाएको छ । त्यस्तै, माथि उल्लेखित एन्टिजेन विधिबाट गरिएको परीक्षणमा पुस २२ र २३ गते नाकामा गरिएको तथ्यांक समावेश रहेको मन्त्रालयले जानकारी दिएको थियो ।

कोरोना विरुद्धको खोप
स्वास्थ्य तथा जनसंख्या मन्त्रालयले हालसम्म देशका विभिन्न स्वास्थ्य संस्थाहरुबाट २ करोड ५९ लाख ५ हजार ६६३ मात्रा कोरोनाविरुद्धको खोप लगाइसकेको छ ।

उक्त तथ्याकं अनुसार १ करोड १० लाख २ हजार ९७६ जनाले पूर्ण मात्रा र १ करोड ४९ लाख २ हजार ६८७ जनाले एक मात्रा खोप लगाएका छन् ।

यस्तै पछिल्लो २४ घण्टामा थप २ लाख ६३ हजार ३७१ जनाले कोरोनाविरुद्धको खोप लगाएको मन्त्रालयले जनाएको छ ।

उपत्यकामा कोरोनाको अवस्था
शुक्रबार थपिएका ९६८ जना मध्य ३६९ जना कोरोना संक्रमित काठमाडौं उपत्यकामा रहेको मन्त्रालयले जनाएको छ ।
पछिल्लो २४ घण्टामा उपत्यकाका तीन जिल्ला काठमाडौंमा २८४, ललितपुरमा ६२ र भक्तपुरमा २३ जना संक्रमित भेटिएका छन् ।

सम्बन्धित समाचार

जसपा नेपालका १८ जनप्रतिनिधिको पद रिक्त
जसपा नेपालका १८ जनप्रतिनिधिको पद रिक्त
  • २०७८ पुष २३, १७: ००

काठमाडौं । निर्वाचन आयोगले जनता समाजवादी पार्टी (जसपा) नेपालबाट स्थानीय तह निर्वाचन २०७९ मा निर्वाचित १८ जना जनप्रतिनिधिको पद स्वतः...

राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
राष्ट्रपति पौडेलद्वारा काठमाडौं–तराई द्रुतमार्गको महादेवटार सुरुङ ‘ब्रेक थ्रु’
  • २०७८ पुष २३, १७: ००

काठमाडौँ । राष्ट्रपति रामचन्द्र पौडेलले राष्ट्रिय गौरवको आयोजना काठमाडौं–तराई/मधेश द्रुतमार्गअन्तर्गत मकवानपुरस्थित महादेवटार सुरुङको बुधबार ‘ब्रेक थ्रु’ गरेका छन् । ३...

प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
प्रधानमन्त्री शाह र भारतीय राजदूत दलेलाबीच शिष्टाचार भेटवार्ता
  • २०७८ पुष २३, १७: ००

काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...