
काठमाडौ । गत २४ घण्टामा थप ३३ जनामा कोरोना संक्रमण पुष्टि भएको छ । देशभर ५ हजार ५९ जनाको नमूनामा २ हजार ९४२ जनाको पीसीआर परीक्षण गर्दामा ३२ जना र २ हजार ११७ जनाको एन्टीजेन परीक्षण गर्दा १ जना गरी ३३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा कोरोना संक्रमणबाट मृत्यु हुनेको संख्या शुन्य रहेको छ भने थप ८९ जना संक्रमणमुक्त भएका छन् ।
हाल देशभर रहेका ८४२ जना सक्रिय संक्रमित मध्ये ८०६ जना होम आइसोलेसनमा, ३६ जना संस्थागत आइसोलेसनमा, १५ जना आईसीयू र २ जना भेन्टिलेटरमा उपचाररत रहेको मन्त्रालयले बताएको छ । सोमबार थपिएसँगै हालसम्म कोरोना संक्रमितको कुल संख्या ११ लाख १८ हजार पुगेको भने मृत्यु हुनेको संख्या ११ हजार ९५१ पुगेको छ ।
त्यस्तै हालसम्म ९ लाख ६५ हजार ७१४ जना संक्रमणमुक्त भएका छन् । पछिल्लो २४ धण्टाको अवधिमा थप ६० हजार ७२ जनाले कोभिड १९ विरुद्धको खोप लगाएको मन्त्रालयले जनाएको छ ।
उदयपुर — त्रियुगा नगरपालिकाको आयोजना तथा सगरमाथा चौधरी आँखा अस्पताल लहानको प्राविधिक सहयोगमा तीनदिने बृहत् निःशुल्क आँखा जाँच शिविर सञ्चालन...
काठमाडौँ । हरेक वर्ष जुलाई २८ का दिन विश्वभर विश्व हेपाटाइटिस दिवस विभिन्न जनचेतनामूलक कार्यक्रमका साथ मनाइँदै आएको छ। हेपाटाइटिसविरुद्ध...
काठमाडौं । स्वास्थ्य तथा खाद्य स्वच्छता मन्त्रालयले स्वदेशी औषधि उत्पादनलाई सुदृढ बनाउने उद्देश्यसहित आगामी दुई वर्षभित्र नेपाल औषधि लिमिटेडमार्फत ३६...