कांग्रेसले माग्यो स्थानीय तह निर्वाचनको घोषणापत्रका लागि सबै क्षेत्रबाट सुझाव – Naya Bikalpa
November 20, 2026, Friday      Epaper

कांग्रेसले माग्यो स्थानीय तह निर्वाचनको घोषणापत्रका लागि सबै क्षेत्रबाट सुझाव

नयाँ विकल्प,

काठमाडौं- नेपाली कांग्रेसले स्थानीय तह निर्वाचनको घोषणापत्रका लागि सबै क्षेत्रबाट सुझाव मागेको छ । कांग्रेसले जारी गर्ने घोषणापत्रमा कुनै पनि पक्षका विषयहरु नछुटुन भन्नका लागि सुझाव माग गरेको हो । घोषणापत्रमा समेट्नुपर्ने विषयबारे नेता, कार्यकर्ता र सर्वसाधारणसँग सुझाव संकलनका लागि टोल फ्री सेवा सञ्चालनमा ल्याएको छ ।

समितिले घोषणापत्रमा सर्वसाधारणका सुझावसमेत समेट्ने गरी टोल फ्री सेवा, मोबाइल र सामाजिक सन्जाल खुला गरेको हो । कांग्रेसले घोषणापत्र निर्माण समितिको संयोजकमा महामन्त्री गगनकुमार थापालाई तोकेको छ । थापाले समितिलाई विस्तार गर्दै अहिले घोषणापत्रमा समेट्नुपर्ने विषयहरुबारे समूहगत रुपमा छलफल गरिरहेका छन् ।

घोषणापत्रबारे छलफल गर्न कांग्रेसले ३० चैतमा केन्द्रीय समितिको बैठक बोलाएका छ । पार्टीको घोषणापत्र वैशाख ११ गते सार्वजनिक गर्ने गरी तयारी अघि बढाइएको समितिले जनाएको छ ।

सर्वसाधारण र मतदातासमेतको सुझाव संकलन गर्ने गरी टोल फ्री सेवा र सामाजिक सन्जालबाट समेत सुझाव संकलन गर्न लागिएको छ । घोषणापत्र लेखन समितिले जनताका सुझाव संकलनका लागि टोल फ्री नम्बर र मोबाइल नम्बर सञ्चालनमा ल्याएको हो ।
समितिले १६६००११५८८८ र मोबाइल नम्बर ९८५१३४२५५५ नम्बरमा सम्पर्क गरेर घोषणापत्रका लागि सुझाव दिन सबैलाई अनुरोध गरेको छ । भाइबर नम्बर र ह्वाट्स एप तथा सामाजिक सञ्जाल फेसबुक पेज तथा वालको माध्यमबाट सुझाव दिन सकिनेछ ।

यी माध्यमहरूबाट कांग्रेसको सातवटा प्रदेश समिति, ७५३ पालिका कार्यसमिति, नेपाली कांग्रेस पार्टी, विभिन्न जनसमुदाय र आम मतदाता समेतबाट लिखित तथा मौखिक सुझाव लिने र ती सुझावलाई घोषणापत्रमा समेट्ने काम प्रारम्भ भएको समितिले जनाएको छ ।

सम्बन्धित समाचार

काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
काठमाडौँ उपत्यकाबाट ८८ ग्राम खैरो हेरोइन र नगदसहित ४ जना पक्राउ
  • २०७८ चैत्र २८, २०: ५७

ठमाडौँ, ३ मङ्सिर — काठमाडौँ उपत्यकाका विभिन्न स्थानबाट अवैध लागूऔषध खैरो हेरोइन र नगदसहित प्रहरीले चार जनालाई पक्राउ गरेको छ।...

निर्वाचनमा एमालेको पराजय अस्थायी हो : विद्यादेवी भण्डारी
निर्वाचनमा एमालेको पराजय अस्थायी हो : विद्यादेवी भण्डारी
  • २०७८ चैत्र २८, २०: ५७

काठमाडौं । नेकपा एमालेकी वरिष्ठ नेता तथा पूर्वराष्ट्रपति विद्यादेवी भण्डारीले गत फागुन २१ गते सम्पन्न निर्वाचनमा पार्टीले व्यहोरेको पराजय अस्थायी...

मकवानपुरमा सुमो राप्ती खोलामा खस्दा दुई जनाको मृत्यु, सात घाइते
मकवानपुरमा सुमो राप्ती खोलामा खस्दा दुई जनाको मृत्यु, सात घाइते
  • २०७८ चैत्र २८, २०: ५७

हेटौँडा । मकवानपुरको भीमफेदी गाउँपालिका–भैंसेमा सुमो दुर्घटना हुँदा दुई जनाको मृत्यु भएको छ भने सात जना घाइते भएका छन्। बिहीबार...